بســــــــــــــــــــــــــم الله الرحمــــــــــــــن الرحيـــــــــــــــــــــــم
السلام عليكم ياحلوين
كل سنة وانتم طيبين ويــــــــــــــــارب يبلغنا رمضـــــــــان احنا وكل احبتنا
النهاردة باذن الله حبيت اشاركم وصفتى البسيطة فى المسقعة
ملحوظة بس انا بقلى الباذنجان بس بيطون خفيف لو عايزة اخف عشان الزيوت والحر والصيف يبقى ممكن تدهنيه زيت وتحطيه تحت الشواية فى الفرن بس خلى بالك منه عشان ممكن يلسع وكمان هتحتاجى تقلبيه على الناحية التنية عشان ياخد لون من الجهتين والاسهل تحطى ورقة فويل مدهونة زيت خفيف برده تحت الباذنجان عشان مايلزقش فى الصنية
نشوف كده صورة الطبق النهائى
وياريت ماتنسوش التقييم ياحلوين والاخت اللى بتقييم سئ انا مستنيها بس هههههههههههههههههه
بس لما هقفشهاصبرها عليا ههههههههههههههههه ولا اقولك يلا بقى المسامح كريم وبرده احب اقولك نورتنيى ياجميلة ويارب الموضوع ده يعجبك ورمضان كريم
ويلا بينا احبتى مع بعض على المطبخ ونقول بســــــــــــــم الله
باذنجان مقطع شرايح (انا بقطعه وارش عليه ملح واسيبه ساعة )
بطاطس شرايح بس مش تيخنة ولا رفيعه
بصل شرايح – طماطم شرايح
فلفل اخضر شرايح – قرن فلفل حامى (لمحبى الشطة)
كوب عصير طماطم
ملح – فلفل اسمر – نعناع جاف – رشه سكر
لحمة متعصجة
اولا هنقلى الباذنجان الى ان ياخد لون دهبى فقط يعنى ماتزديش عليه فى القلى
كمان خلى بالك انك لما تحطيله ملح بيجيب مياه منه تصفيه منها قبل القلية
وكمان هناحد البطاطس نقليها تاخد لون بس وقلية البطاطس عشان ماتكسرش منك و ممكن تستغنى عن الخطوة بتاعتة البطاطس
هندهن الصنية بتاعتنا دهنه سمنه خفيف
ونضع البصل وندعكه بالملح والفلفل الاسمر
نضع الفلفل فوق شرايح البصل وممكن نقلبه كمان مع البصل والملح والفلفل الاسمر ونرتبهم
نرص البطاطس و نرش فوقيها النعناع الجاف وممكن كمان نزيد رشة زعتر خفيف بتدى نكهه حلوة
فى حلة هنحط عصير الطماطم ونزوده مياه وممكن مكعب مرقة ونرش رشة السكر ونظبط الملح
وبعد كده نصب نص الكمية فوق البطاطس
نرص الطماطم
ونرص الباذنجان ونضع كميه من عصير الطماطم بس مش كله
نضع اللحمة فوق الباذنجان وبعدين نضع باقية الصلصة ونغطيها بورق فويل وندخلها فرن ساخن جدا الى تمام النضج و بعد كده نشيل ورقة الفويل ونضعها تاخد لون بس
وتقدم بالهنا
وممكن تقدم مع الارز والعيش والمخلل والسلطة
يـــــــــــــــــــارب تكون وصفتى البسيطة عجبتكم واى سؤال او استفسار انا معاكوا حبيباتى
ويــــــــــــــــاريت ماتنسوش التقييم ياسكــــــــــــــــــرات والا انتوا عارفين هجيب اللى مش هتقييم و هعزمها على القهوه
مواضيع هذا القسم برعاية
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة