بسم الله الرحمن الرحيم
السلام عليكم ورحمة الله وبركاته
محشي ورق العنب ( الدّوالي ) بالطريقة الفلسطينية
المقادير :
ورق عنب
للحشوة : رز قصير، لحمة مفرومة ( والأزكى كمان لمّا تكون اللحمة مفرومة ناعم باليد ) ، ملح ،فلفل أسود ،قرفة ،بهارات ،م ك زيت قلي
مرافق لورق العنب في الطنجرة :
بصل وطماطم مقطعين حلقات
ريش خروف أو عصاعيص (دنب الخروف ) وكتير زاكية وبتعطي دسامة ولمعة لورق العنب أو دجاج .
عصير ليمونة
الطريقة :
أنا إستعملت ورق العنب المحفوظ ،سخنت ميّة حتى غليت وطفيت النار وحطيت الورق فيها حتى تروح منه الملوحة .
حضرت الحشوة وابتدأت معركة لف وحشي الورق الله المستعان .
في قاع الطنجرة وضعت البصل وفوقه البندورة ثم فوقهم قطع الدجاج والعصاعيص المغسولة وبنرش عليهم ملح وتوابل .
بنرص فوقهم ورق العنب ولمّا نخلّص بنرش كمان رشة ملح وفلفل على الكل وبحط صحن مسطّح حتى يضلّ الورق مرتب ومرصوص .
بنضيف ميّة حتى تغطّي الورق بشوي ونغطي الحلّة وعلى نار عالية حتى يغلي وبعدين بنهدّي النار عالآخر وبنسيبه يستوي على مهله . بالآخروبعد ما يستوي بنضيف عصير الليمونة على وجه الورق وهو بالطنجرة وبنترك الورق يهدى 5دقائق و بعدين بنصفّي المرقة (الشوربة) اللّي في الحلة .
إقلبي الحلّة وقدمي ورق العنب الشهي الزااااااكي وعلى الوجه اللحم أو الدجاج وقدمي بجانبه اللبن الزبادي ، ومأكول الهنا إن شاء الله .
مواضيع هذا القسم برعاية
Om Eleyal Om Eleyal 104774_6.gif فتكات هايلة Fatakat 104774 Hannover – Germany