هنبدأ بقى بالمحشى وتكاته اللى تجنن
الاول المقادير
طمطاطم حوالى 5 متوسطين ومعلقتين صلصة وفص توم
كوب ونص رز مصرى مغسول ومتصفى
الخضرة شبت وبقدونس وكسبرة
التوابل بقى ملح فلفل كمون كسبرة مكعب ماجى
بصلة كبيرة
بصل اخضر وفلفل اخضر
وفحمة هنحتاجها ف الاخر
الاول هنعمل التخديعة
الطماطم هنضربها ف الخلاط
الخضرة هنقطعها رفيع قووووووووووووى
هنقطع بصلة ف الكبة عشان متبنش ف الخلطة
البصل الاخضر نشيل عروقه الخضرة ع جنب مع فلفل اخضر مقطع صغير وباقى البصل فى طبق لوحده
يلانبدا نحمر البصلة ف الزيت مع البصلة الاخضر اللى شيلين عروقه الخضرة
ونضيف الطماطم تتسبك مع التوابل الماجى والملح والفلفل والكون والكسبرة
ولما تتسبك نضيف الخضرة تاخد غلوة وبعدين الرز ونقفل علطول
كدة التخديعة جاهزة فى ناس بتبخرها بالفحمة بس انا بسيبها للاخر
نكون سلقنا الكرنب فى مية مغليةوملح وكمون وقطعناه
نحط فى قعر الحلة بصل وورقة كرنب اخضر وبعدين بعد ما نحشى اول سكر نحط فاكرين عروق البصل الاخضر والفلفل بين كل طبقة لحد ما نخلص
وطبعا بعد ما نخلص انا كان عندى فراخ سلقتها فى مية وبصل متقطع وحبهان وكمون وفلفل هننشل الفراخ بعد ما تستوى ونسيب الشوربة
لتسوية المحشى يدوب يغطيه ونحطه ع النار يستوى وبعد ما يستوى نحط المحشى فى صينية ونولع فحمة ونحط فنجان ونلفه بقصدير ونحط الفحمة ونطفيها
بعد ما نشلنا الفراخ نيجى ع الخلطة الخطيرة
هنبشر بصلة ناعم قوى مع فضين توم ونحط خل وملح وفلفل وكمون وكسبرة ونص لمونة بسيط وبهارات فراخ وصلصة وكاتشب
وهنعمل الفراخ بيها اللى نشلناها
وهندوق احلى محىشى مع اطعم فراخ
عايزة احلى تقيييم مع احلى دعوة لابنى ربنا يباركلى فيه ويخليه ليا
مواضيع هذا القسم برعاية
كيوت بيبى كيوت بيبى 297248_1.gif فتكات هايلة Fatakat 297248 المنصورة – مصر