بسم الله الرحمن الرحيم
السلام عليكم ورحمه الله وبركاته
ازيكم يا فتوكات يا قمرات
حتوحشونى اوى الفتره الجايه لانى خلاص حولد ان شاء الله ومش حقدر اكون متواجده زى الاول دعواتكم معايا بقى ربنا يقومنى بالسلامه ويرزقنى بطفله سليمه معافيه
النهارده عمالكم فراخ مشويه بالقرنفل والقرفه طعمهم ولا ريحتهم يالهوووووى حتسمع عند الجيران وحتاكلى صوابعك وراها
انا بنبه من البدايه اهو كل واحده تخلى بالها من صوابعها ههههه
ممكن كمان تنفع للعزومات شكلها مشرف وطعمها حيعجب كل اللى يدوقها
اولا المقادير :
1 – فرخه (مغسوله كويس اوى بالملح والليمون غسله معتبره يعنى )
2 – بصل مفروم
3 – صلصه تقريبا معلقه كبيره
4 – معلقه كبيره خل 5 – ليمونه
6 – فلفل اخضر اقطعه صغير
7 – زبادى
8 – كسبره خضراء وبقدونس مفرومين
9 – قرنفل (تقريبا 7 حبات قرنفل )
10 – قرفه
11 – ورق لورى 12 – حبهان (نكسره ونطلع اللى جواه عشان طعم يظهر ف الاكل )
13 – ملح وفلفل اسود 14 – شويه زيت
ثانيا الطريقه :
بعد ما غسلنا الفرخه نخلط كل المقادير السابقه ونحط فيها الفرخه ونسيبها من بليل للصبح كل ما تسيبيها ف التتبيله اكتر كل ما حتكون احلى
نجيب صنيه ونغلفها بورق فويل ونجيب حبه من الخلطه اللى عندنا ونفرشها ف الصنيه عشان تكون تحت الفرخه تعمل صوص حلو اوى
ولو حسيتى انها ممكن تنشف معاكى حطى شويه شوربه صغيرين بلاش كتير عشان الصوص يبقى حلو مش ميه
نجيب الفرخه ونحطها ف الصنيه وننزل بباقى التتبيله عليها انا بتبلها من بليل للصبح ف الورق الفويل باخدها تانى يوم اطيبها ع طووووول
نيجى بقى للطياب ندخلها الفرن ع درجه حراره متوسطه وتبعيها من وقت للتانى هى تقريبا بتاخد من نص ساعه لساعه الاربع بعد ما تطيب تفتحى الفويل تاخد وش تحمير تحت الشوايه ومش عايزه اقولك ع الريحه حكااااايه
ريحه القرنفل وااااااااو حتقلب الدنيا وحتسمع عند جيرانك ههههه
انا قدمتها مع رز يالقرفه والمكسرات وده طريقته سهله اوووووى
اولا انا كرملت شويه سكر وبعدين ضفت عليهم الشوربه يعنى 2 كوب رز بسمتى عليهم 4 كوب شوربه
وف طاسه ع جنب عملت بصله صغيره قطعتها وسبتها تتشوح شويه ونزلت عليها بمعلقه قرفه وقلبت وقفلت ع طول
ضفت البصله مع القرفه دى ع شوربه الرز وقلبت وبعدين ضفت الرز بتاعى وسبته لحد ما استوى ع الهااااادى خااااالص
عملت خلطه كبد وقوانص ع وش الرز مع الزبيب كنت نزلتها ف موضوعى السابق بالتفصيل وده الرابط بتاعه
https://fatakat.univanet.com/#5682352
ورشيت على الوش ف النهايه لوز
دى صوره برضه للرز اللى بالخلطه اللى انا بعمله وبعشقه بس كانت مره تانيه وكنت عملاها ف عزومه وانبسطوا بطعمه اووووى كان بالقرفه والكركم يارب يعجبكم
انا قدمتها كمان مع بطاطس كروكيت
طريقتها :
سلقت بطاطس وهرستها وضفتلها التوابل اللى بحبها ملح فلفل اسود كمون كارى بابريكا اى توابل تفضليها مع شويه بقسماط عشان تمسك شويه وبعدين صبعتها وحطتها ف دقيق وبيض وبقسماط
حطتها ف الفريزر شويه عشان تتماسك وحمرتها بالزيت
وقدمت معاها كمان سلطه زبادى بالخيار
زبادى + توم مفروم +ملح _+ فلفل اسود + كمون +_ خيار مبشور
+ معلقه كبيره مايونيز ولو عايزه تفرمى شويه نعناع ممكن برضه
بس انا مش كان عندى بس بتطلع طعمها جميل وياسلام لو عملتيها وسبتيها شويه ف التلاجه كل ما تستنى طعمها بيبقى احلى
ودى الصوره النهائيه للطبق يارب يعجبكم واكون عند حسن ظنكم
واللى حترد وتقييم ححلى بوقها بطبق باستا فلورا جنااااان
ف النهايه مش طالبه منكم غير دعوة حلوة بظاهر الغيب ربنا يصلحلى حاااالى
متنسوش التقييم يابنات
مواضيع هذا القسم برعاية
zyelmalayka zyelmalayka 1088985_1.gif فتكات هايلة Fatakat 1088985 مصر – مصر