السلام عليكم ورحمة الله وبركاتة
ازيكم يا كل حوامل فتكات
ربنا يقومكم بالسلامة يااااااااارب وتكون ولادة سهل ويرزقكم ربنا بطفل معافى وسليم
ودعائى الخاص لأختى وصحبتى "رائحة الأترجة" ربنا يقومها بالسلامة
انا هقولوكم على كذا حاجة ابعدوا عنها وانتو فالحمل، والحاجات دى كالأتى:البيض الى مش مستوى كويس كل تتبيلات السلاطة الى من السوبر ماركت وخاصة المايونيز والى معمول فالبيت كمان عشان بيحتوى على بيض نيئ جميع مشتقات اللبن والزبادى غير المبستر اللحوم المصنعة زى السجق والسوسيس واللانشون جميع انواع اللحوم غير المطهوة جيداً، خاصا المشوية منها اتأكدى انها من جوة مستوية كويس قبل ما تاكليها قللى من اكل التونة يعنى متزوديش عن مرتين فالأسبوع ويستحسن مرة واحدة فى أنواع سمك اسمها (سمك أبو سيف، سمك المارلين، سمك القرش، سمك الراموح)، انا الصراحة مجربتهومش قبل كدة بس ابعدى عنهم تماماً فى فترة الحمل لأنهم فيهم نسبة عالية من الزئبق والى بتأثر على نمو الجهاز العصبى للجنين الأدوات الى بتقطعى بيها اللحوم حاولى تنظفيها بإستمرار ومتقطعيش بيها الخضروات او اى حاجة هتاكليها مباشرة
أنا كدة خلصت المرة دى وهتابع معاكم بإذن الله
اسألكم الدعاء وادعوا لأبنى ربنا يخليهولى ويباركلى فية
Berty Berty 331847_6.gif فتكات ست الكل Fatakat 331847 القاهرة – مصر
سبحان الله و بحمده