السلام عليكم ورحمة الله وبركاته
مش هاطول عليكم
عنوان الموضوع ده عباره عن نصيحه باكتبها فى رد على اى فتوكه كتبت موضوع يخص ؟؟؟؟؟؟؟؟؟؟؟؟؟؟
الحمل
دورى فى مواضيع استشارات المراه
هاتلاقى ايه
ياترى ده حمل يارب اكون حامل وادعولى وانا نفسيتى زى الزفت مطلعتش حامل
واللى تقول الحقونى شكلى هاطلع حامل وانا لسه والده
واللى تقول عاوزه ااجل الحمل
وعلى فكره اوصيكم ونفسى اقسم بالله
بس فعلا نفكر ف الموضوع بشكل تانى
اللى لسه محملتش …………… ربا عاوزك تناجيييييييييييييييييييييييييييييييييييييييه وتقربى اكتر بيقولك سيدنا نوح عليه السلام قال لقومه ايه " فقلت استغفروا ربكم انه كان غفارا يرسل الساء عليكم مدرارا ويمددكم بأموال وبنين ويجعل لكم جنات ويجعل لكم انهارا "
ايوا ربنا عاوزنا نقرب منه عشان عارف اول ما هاتحملى هاتشكريه فعلا بس يومين وتدخلى فى قلق تانى ياترى الجنين وحصله لا محصلوش
واللى حملت ……………. انتى بتقولى انك لسه والده صح
ماشى يا ستى بس مش اخدتى بالاسباب واخدتى الوسيله ؟ طيب ايه بقى
يبقى دى ارادة ربنا وله حكمه فى كده
والله يابنتى كتير بيدوروا دلوقتى على اخوات لولادهم وبيدخلوا فى حوارات تلقيح صناعى
وقلق وتوتر
عشان عاوزين اخ ولا اخت لبنتهم او ابنهم
والجامد بقى لو بنت كبرت وتفضل تسال باباها ومامتها انا ليه مش ليا اخوات
والله حصل فعلا مع ناس كتير
واللى عروسه …………… عارفه ياحبيبتى انك عاوزه تتبسطى وتعيشيلك احلى ايام عسل ربنا يجعل عمرك انتى وزوجك كله عسل يارب وما يدخل بينكم شيطان ابدا
بس صدقينى سيبيها على ربنا وهو ارحم الراحمين
بعد فتره هاتحسى بملل وتدخلى فى دوامة عاوزه اخلف
ختاما يارب يارب يارب يرزق الجميع ويطعمكم يابنات وما يحرم حد فيكم ابدا
ويريح بالنا جميعا يارب
يارب يكون موضوعى مفيد ولو بشكل بسيط
انا عملت تعديل على فكره
وبجد بجد مبسوطه ان اللى شافوا الموضوع لغاية دلوقتى 75 واحده
مش مهم الكومنت المهم ان الموضوع ناس فتحته وقرت ولو كلمه منه
بحبكم ف الله
العمر بيمر العمر بيمر images/avatars/sunset.jpg فتكات متميزة Fatakat 672282 الشارقه – الامارات