الحمد لله اولا علي كل شيئ
بس هل هناك مرض ملوش علاج!!!!
انا رحت ل 3 دكاترة دلوقتي
الاعراض اولا هي اني في وجع في المثانة واجنابي وبروح الحمام يمكن كل 10 دقايق او اقل كمان لما بجد تعبت مش بعرف انام الا الضهر لانه بيزيد بليل خصوصا الفترة اللي بعد الفجر وكمان في افرازات
اول دكتور قالي ان عندي التهاب في المثانة واداني علاج العلاج خلي حالتي سيئة جدا وعمل اعراض غريبة وهي اني بقيت بتخض من اقل حركة ومن اقل صوت حتي لو الموبيل عاملاه صامت ورن بتخض وجسمي كله بيرتعش واجي اوطي احس ان العمود الفقري بيتني كده بصوت كان فيه حاجة غلط
المهم بطلت العلاج ورحت لواحد تاني
قالي انه مش التهاب في المثانة دي حاجة تانية خالص واداني علاج واخدته واكتشفت انه نفس العلاج التاني وبرضه نفس الاعراض
ورحت للتالت وبعتني اعمل اشعه علي المثانة ورحت عملته وجيت قالي معنديش اي حاجة وان المثانة بتاعتي عصبية وبتتعب من التوتر ولازم اروح لدكتور نفساني
طب دلوقتي اعمل ايه انا عمري ما هروح لدكتور نفساني لاني رافضة المبدأ انا فعلا تعبانه ويمكن ناس منكم يعرفوا ان بتعالج بالقرآن والرقية الشرعيه لكن دكتور نفساني لا مش عاوزة اروح
والتعب والوجع مستمر ومفيش حاجة بتجيب نتيجة وراحه علي الحمام رايحه جايه طول اليوم ولا بخرج ولا بروح الكلية عشان كده حد يقولي هو انا خلاص مفيش لحالتي علاج
$مجرد احساس$ $مجرد احساس$ 375269_6.gif فتكات ست الكل Fatakat 375269 دمياط الجديدة – مصر