بمناسبه الاكل الحار كتبتلكم الاحمربصو بقى
الاكله دى اتعلمتها من حماتى اصل جوزى بيموت فيها وانا كمان حبيتها اوى بس للاسف مبعرفش اكلها بسسب بعض مشاكل فى المعدهالمهم جربوها وادعولى لاتها طعمه اوى ومتحرمونيش من ردكوا
المقادير:
فرخه مقطعه اربع قطع او حسب الطلب او الكميه
بصله متوسطه مبشوره
ربع ك شطه خضراء+ربع ك فلفل اخضر(حار)
12فص ثوم متوسط الحجم
الطريقه:
بعد غسيل الفراخ وتقطيعها تدعك البصله المبشوره بملح وفلفل اسمر وتدعك بها الفراخ
نظفى الشطه والفلفل واغسليها وافتحيها وشيلى البذور اللى فيها
حطى الثوم على الفلفل والشطه وافرميها او دقيها فى الهون جزء جزء مع القليل من الملح
نفضى الفراخ من البصل وتبليها بالخلطه (الفلفل والشطه والثوم)وضعيها فى صينيه فرن وضعى باقى الخلطه عليها مع القليل من السمن
حطيها على نار هاديه هتلاقى الخلطه بتدبل والريحه تجنن سيبيها لحد ماتتشرب بعد كده حطى ماء كوب كوب واحده واحده حتى تدخل فى السوا بعد كده حطيها فى الفرن تكمل سواها ويحمر الوش وبالهنا والشفا بس اوعى تتلسع منك لان ممكن تمرر
ممكن تتاكل جنب مكرونه اسباجتى او بالعيش او بالاتنين واللى تجربها تقوللى ايه الاخبار.
احبكم فى الله
(ام يحيى) مواضيع هذا القسم برعاية
دالياام يحيى دالياام يحيى فتكات حبوبة Fatakat 183819 القاهره – مصر
سبحان الله و بحمده