انا عملت عيش وكانت مقاديره اثنين كوب دقيق وملعقتين صغيره لبن بودره ونصف ملعقة صغيره ملح ونصف ملعقة صغيره سكر وملعقة صغير خميره بيره فوريه وميه دافيه للعجن وعملته والعجينه كانت كويس قوى معايا وتركتها وخمرت كويس وتتضاعف حجمها وبعدين عجنتها تانى علشان اوزع الخميره فيها وبعديت قكعتها كورتين ( كل كوب دقيق عمل رغيف كبير شويه اكبر من الرغيف اللى بخمسة قروش) وتركت المور ترتاح عشر دقائق وفرتهم وتركتهم برضه تلت ساعه كده وكنت محميه الفرن وشيلته باحتراس وانا ايدى بعيده عن الوجه شيلته من تحت باحتراس ودخلته الفرن وارتفع قوى عادى انما لما اكلنا منه لقيت الوش زى ورقه السيجاره خفيف قوى ماينفعش افتحه واعمله سندوتشات او نغمس به شىء والقعر تخين كأن الرغيف كله قعر ومفيش وش والوش كان لونه احمر بهتان او لونه مجريب مش احمر بيلمع وزاهى ونسيت اقولك فى المقادير حطيت اقل من فنجان قهوه زيت ذره مع العجينه وفردت العيش على قليل من الدقيق انا بقى مش عارفه ايه السبب فى ان الوش يطلع كده مش نافع ورقيق زياده عن اللزوم لدرجة انك لو فكرتى تفتحيه تعملى ساندوتش يتقطع الوش منك والحاجه التانيه ليس لو الوش جربان جده مش زاهى ياريت تدلونى ربنا يخليكم مواضيع هذا القسم برعاية
OmGaser OmGaser فتكات متميزة Fatakat 179131 6اكتوبر – القاهرة
سبحان الله و بحمده