بسم الله الرحمن الرحيم
ازيكم فتوكاتى يارب تكونوا بخير
وجمعة مباركة عليكم يارب
النهاردة بفضل الله جبتلكم كيكة شيكولاته لذيذة اوى للشيف محمد حامد
عملها الاربعاء اللى فات عجبتنى واستسهلتها قولت اجربها وطلعت جميلة الحمد لله
المقادير بقى
4بيضات
كوب سكرالشيف حط كوب ونص انا لقيتها كتير اوى عليها حطيت كوب بس
كوب ونص دقيق
نص كوب ماء
نص كوب زيت
فانليا
نص باكو بيكنج بودر
40جرام كاكاو يعنى حوالى ملعقتين كبار
ملعقة قهوة بودرة يعنى البن او النسكافيه حسب ماتحبى انا حطيت بن
الطريقة بقى انا ضربت المواد السايلة فى الخلاط
البيض مع الفانليا الاول ثم السكر ثم الزيت ثم الماء
وبعد ذلك نصب الخليط فى وعاء ونضع عليه المواد الجافة الدقيق المنخول مع البيكنج بودر والكاكاو والقهوة ونخلط حتى يمتزج الخليط مع بعضه ونصبه فى قالب الكيك المدهون والمرشوش رشة خفيفة دقيق وندخله الفرن الساخن على 180 حتى تستوى ولما تخرج نقلبها فى طبق ونسيبها تبرد ثم نزينها انا غطيتها بكريم شانتيه مخفوق عليه صوص شيكولاته علشان يبقى بنى وغطيت بيه الكيكة ودخلته التلاجه يتماسك وعملت جناش الشيكولاته عبارة عن ربع كوب لبن وربع كيلو شيكولاته دارك وقطعة زبدة سخنت اللبن على النار وحطيت عليه الشيكولاته القطع وقلبت حتى ساحت وشيلتها من النار وحطيت عليه قطعة الزبدة وقلبت حتى ساحت ودخلته التلاجة يبرد شوية ويتقل شوية ثم صبيته على الكيك وزينتها بالكريمة البنى والتزيين ده حسب الرغبة
ودى صورة ليها من جوه علشان تبان ليكم هشة ازاى
انا تعبت فى الموضوع ده اوى ياريت ياريت التقييم ياعسولات
وانا متاكده انكم عسولات ومش حتكسفونى
مواضيع هذا القسم برعاية
شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر