ازيكم يا فتوكاتى واحشنى موووووووووووووووووووووووز
يووووووووووووووووووووه قصدى واحشنى مووووووووووووووت
انا كان نفسى فى الفراخ الكوردون بلو اوى وقولت لازم اعملها
يلا بينا على المقادير
فراخ بانيه
ماء بصل
ملح
فلفل
جبنة شيدر
بسطرمة او لانشون
زيتون اخضر او اسود
هنجيب الفراخ نغسلها غسلة محترمة ونقطعها تقطيعه على مزاجنا
بس مش هنقطعها قطع صغيرة اوى يعنى عشان نقدر نلفها زى رول هنحطها فى كيس ونفردها بمطرقه اللحم وندقها كويس
عشان تتفرد ونتبلها فى ماء البصل وملح وفلفل
نجيب الفراخ ونحط قطع الشيدر او اى نوع جبنه بتحبيها ممكن موتزاريلا
ونحط قطع البسطرمة وقطع بسيطة من الزيتون
ملحوظة مهمة :
بلاش نكتر بسطرمة وزيتون عشان الفراخ ماتحدقش
ونلف الفراخ رول زى المحشى كده بس كبير طبعا ونظبطها بالخلة (اعواد الاسنان)
نيجى بقا للتغطية
دقيق
بيضه برشه ملح وفلفلبقسماط
كده بالترتيب من الدقيق للبيض للبقسماط ونضغط كويس بايدنا عشان البقسماط تمسك فى البيض وننفضها بايدنا النفضة التمام
كانك ماسكة سجادة وبتتعافى عليها
هههههههههههههههه لالالالالا محدش يصدقنى ده انا بهزر …..انت مابتهزرش يارمضان
تنفضيها بشويش عشان البقسماط الزيادة تنزل وماتتتحرقش فى الزيت مش عايز حريقة
بعد الشر عليكم طبعاااااااااااااااااااااااا
نسخن بقا الزيت ونحمر الفراخ على نار هادية
وبالهنا والشفا
نيجى بقا للارز بالكارى
هتحطى معلقه كبيرة زبدة او زيت زى ماتحبى لما تسخن تحطى الارز البسمتى ومعلقه كارى وتضيفى المية عادى جدا
بس خدى بالك الارز البسمتى بياخد مياه اكتر من الارز العادى
وطبعا هنحط الملح ولما يشرب المية بتاعته نهدى عليه النار
اوريكم بقا صورة لقطتها الاقمار الصناعية المستخبية على سطح بيتنا
انشاء الله تعجبكم وبالف هنا وشفا انا مش ممانعه ان حد يدوق امممممممممممممم طعمها يجنن
استنوا استنوا يلا يلا يلا يا جميلة انتى ……… ايوة انتى بشاور عليكى
فيييييييييييييييييييييين التقيييييييييييييييييييييييم
مستنية ردودكم ياحبايبى واتقل عليكم كمان معلش زهقتكم
ياريت تدعولى بالذرية الصالحة وراحة البال وحسن الخاتمة
مواضيع هذا القسم برعاية
Princess DIDO Princess DIDO 720237_3.gif فتكات هايلة Fatakat 720237 بورسعيد – مصر