زى ماوعدتكم انزل وجبة التخسيس بالصور بجد وجبة جميلة وسهلة ومتاخدش وقت ومتشليش هم هاكل ايه بكرة وتضعفى قدام الكل وتلخبطى يومك انا باكل جنبها سلطة بس لكن الى لسة متعودش على رجيم وبيضعف قدام الاكل ممكن ياكل الوجبة وجنبها حبة مولوخية بطاطس زى مانحبى بس هية لوحدة بتشبع نشوف بقى بالصور والصور شارحة نفسها 1 دا الرز بتاعى جميل جدا مبكلش غيره بجيبة ب10 جنية بس بيقعد كتير لان حجمه بيزيد ونسبة النشويات قليلة جدا ويشبة رز بسمتى باخد منه قد كف الايد لمرة واحدة
ومكتوب اهو على ضهر الكيس يصلح لعمل الرجيم
وده الفراخ بتعنا بنقطعه مكعبات صغيرة
نبتدى بقى بسم الله نقطع البصل ونشوحة فى معلقة زيت الزرة واهم حاجة فى طاسة تيفال
وننزل بالفراخ بتاعتنا ونحط شوية كارى ضرورى عشان يبقى طعمه حلو والبهارات زى حبة فلفل وكزبرة وجنزبيل وملح طبعا ونشوحهم مع بعض
وبعدين نضيف الرز ونقلب دقيقتين عشان الرز ياخد نكه الكارى وانا عن نفسى بضيف شوية شطة بيبقى سبايسى ومع السلطة مقلكيش
ونضيف المية بس نزود ميه كتير عشان بياخد مية كتير ومش استعملت مرقة دجاج خالص واول ميغلى كدة توطى النار وتسوية زى الرز العادى لو لقيت الحباية بتاعته لسة مش استوت ضيفى مية
وده الشكل النهائى وحاولى تجيبى علب فويل زى دى بجد هتنفعك لانك ممكن تعملى كمية وتشليها فدى بتحفظ الاكل
ودى وهية مقفولة ممكن تاخديها الشغل بدل متبوظى الرجيم اوسفر او عزومة برة
وادى صورة تانية ليها
ودى وهية فى التلاجة تاخديها على التسخين بس فى الميكرويف 5 دقايق حب قوة فرنك بس تشيلى الغطا الى من فوق عشان تغطى بيها ومترميش العلبة ممكن تغسليها تاى وتستعمليها
انا عاملة نظام رجيم من غير تعب لو حبين تشتركو بتنزلى فى اقل من اسبوع من2 ل3 كيلو وبتاكلى الى عايزاه يعنى فى الشهرمن 8 ل10 كيلو ولو عجبكو الموضوع قيمولى
اخير وليس اخرا دعوة لاختكو عشان ربنا يكرمكو وبقول للى بتدخل وتخرج من غير متدعيلى ربنا ييسر امر جوازى بقولها شايفاكى شايفاكى ومش مسمحاكى مواضيع هذا القسم برعاية
زومى حبيبى زومى حبيبى ممنوعة من المشاركة Fatakat 996190 القاهرة – القاهرة
سبحان الله و بحمده