سلام عليكم ورحمة الله
بجد انا احترت كتيييييير وسألتكوا كتير عن اعراض الحمل .. وامتى اعمل اختبار منزلي و انهي افضل اختبار البول وللا الدم؟
وامتى يوم التعشييش وامتى التبويض.. وفين وازاي
بجد كنت بستنى اي معلومة تديني امل واحسن اني هابقى ام قريب
من كتر ما قعدت ادور كتير اوي الحمد لله لقيت احسن موضوع فيه كل المعلومات اللي تفيدك بخصوص المنتظرات للحمل
الموضوع هتلاقيه في اول رد حالا هانزله بعد الموضوع
وقبل ما انزل الموضوع.. دي نصيحه مني لأخواتي الفتوكات..
ياريت ما نقعدش نوهم نفسنا كتير ونضيع وقت كبير من حياتنا ونقعد نتخيل ان انهارده
شكلي كده حصل حمل اصل مش عارفه حاسه بأيه وجرالي ايه
كل اللي عليكي تعمليه اولاً.. تتفائلي ثانياً.. تدعي ربنا من قلبك وتقيمي الليل وخللي عندك ثقة كبيرة في الله
انه مهما كانت مشكلتك ومهما كان مرض زوجك.. ربنا قادر يخلق في رحمك من غير بقى لا حسابات ولا تقديرات
"ثالثــــــاً" حضرتك تركزي كل شهر بتجيلك الدورة يوم كام و الشهر اللي بعده جت يوم كام..
ركزي وحاولي تعرفي هي تقريبا بتقعد كام يوم عشان تيجي تاني.. 28 وللا 30 وللا اكتر
اذا كنتي 28 يوم او 30 تقريبا يبقى الحمد لله منتظمة عندك وتقدري تحسبي تبويضك امتى
انتي اكيد طبعا عرفتي علامات التبويض.. ولو ماعرفتيش الدكتورة بتاعتك هاتعرفك
اذا كنتي دورتك غير منتظمة.. ما تقاقيش نهااااااائي.. عادي ستات كتير كده
انا اعرف واحده كانت الدورة بتجيلها كل 6 شهور وما شاء الله من اول شهر جواز بقت حامل.. عقبالنا يا رب
واعرف واحده تانيه " هي خيبتي القوية" طبعا بهزر الحمد لله على كل شئ.. كانت الحمد لله منتظمة عندي بظبط
عليها الساعه .. واول ما اتجوزت بدأت تلخبط شويه بس بردو متفائله ومستنيه كرم ربنا ومش هيأس ابداً
اهم نصيحه مني ليكي.. يا ريت بقى نركز شوية في حياتنا ونستمتع بيها على قد ما نقدر
ونهتم بأزواجنا ومانحسسهمش اننا خلاص مش ورانا حاجه غير حسابات ومعادلات وكئابه.. لأ عيشي حياتـــــــــك
وتعالي بس كل شهر قبل ميعاد الاباضه بيوم ابدأي الجماع وخليها يوم ويوم .. شهر تخلليه ايام فردية وشهر ايام زوجية
لحد ما ربنا يكرم .. وتريحي نفسك من المواصلات وهدت حيلك في الشقه وحاولي تبقي بطه بلدي
وماتتسرعيش في نتيجة التحليل .. لما تقري الموضوع هاتعرفي ان ما ينفعش نحس بأعراض حمل بدري
ولا قبلها ب 10 ايام والكلام ده لأ.. دي مراحل وكل مرحله بتاخدلها وقت ..
الموضوع اللي هانزله ليكم ده منقول طبعا من مدونة طبي.. والله اعلم هو متكرر ولا لأ..
بس عشان استفدت منه جدا جدااااا فا حبيت افيدكم بيه.. فعلا الموضوع ده مش هايخليكي تسألي تاني عن حاجات كتير
بس بالله عليكي اذا حسيتي ان الموضوع فادك وعجبك .. يا ريت تدعيلي من قلبك ان ربنا يعجل بحملي
واشوف ابني اللي بحلم بيه من وانا عيله صغيرة ولا تقيمي الموضوع ولا اي حاجه
ندعي لبعض بس وانا والله متفائله ليا وليكوا كلكوا ده ربنا كريم اوي بس نصبر
ياللا وانا اول واحده هادعيلكوا كلكوا يا رب يا رب ترزق كل مشتاقه بالذرية الصالحه الحمل السليم المعافى عاجلاً غير اجل
ياللا مستنيه ردودكوا بعد ما انزل الموضوع
LoOoly LoOoly 549548_3.gif فتكات هايلة Fatakat 549548 Alb 7abibi 🙂 – مصر حبيبتي