انا لسه ببدأ اجيب ف حاجتى واستفدت منكم كتير قلت اما اجى افيدكم لو واحده محتاجه تعرف اى حاجه
واهى معلومه عشان تدعيلى وألا هدعى عليهااااا
اول حاجه بقى
ف حاجات المطبخ انا جبت استالس و تيفال زهران وممكن لو حابه تستخدمى سيراميك يبقي نيوفلام
و فى انواع تانى استالس زى هيسار هما غالين حبتين بس اهو صحتنا وهنطبخ فيه ع طول
شنطه المعالق و طقم صوانى التقديم انزلى ع الازهر وفاصلى معاهم ع قد ما تقدرى وخدى معاكى مغناطيس
انا كنت واخده اللعبه بتاعه التلاجه فيها مغناطيس من ورا
اى حاجه استالس بيور المفروض متمسكش ف المغناطيس واعملى انتى بأيدك المغناطيس ف المعلقه او الشوكه عشان البياعين بيشدوها ع طول وقال يعنى كدا ملزقش حركات قرعه
هتلاقي رفايع كتير هاتى وانتى ماشيه
طقم العشا او اسخدامى يعنى جبته اركوبال لومينارك وخدى بالك لازم يبقي فرنساوى عشان ليه تقليد اماراتى وحش
طقم التوابل الاصح يكون ازاز انا لسه مجبتوش بس شفت واحد عجبنى ف زهران
المفروشات عليكى وع واحد اسمه يحيي الحناوى للمفروشات دا موجود ف التربيعه ف الازهر برضوا ناحيه الصاغه
اسألى والف مين يدلك
هتلاقي عنده حجات جميله ومفيش فصال كله بالكومبيوتر وعنده التركى والمصرى
انا جبت منه بطاطين مورا اسبانى هى احسن بطاطين بس غاليه شويه لانها خفيفه وبتدفي جدا اكتر حاجه 4 كيلو وبتدفي جدا لانها بتعتمد ع نسبه الاكريلك اللى فيها ودا الللى بيدى دفا وبتكون 85%
وفي مورانو التقليد بتاعها البنات برضوا قالوا كويسه و مينك التركى بس انا مجربتش
جبت مورا من عنده ب 680 ج وعند رنين بيعملوها ف التخفيض الايام دى ب 900 ج الحراميه
ملايات لسه مبدأتش انا جبت واحده بس العامريه وبيشكروا فيها الحمد لله وليها معرض ف العباسيه ورا تاكى قدام سفاره ماليزيا
ولو حد يعرف ايه الفرق بين قطن 100% وقطن 100% بس تصدير ياريت يقولى لانى مش بفهم لا انا ولا ماما ف الحاجات دى
هى التصدير ناعمه اووووووووووووووووى والفرق 100 ج
يعنى القطن 100% بس كانت عامله 125 ج 5 قطع
والتصدير عامله 255 ج ال 5 قطع
اللبس بقي انا جبت كل التركى بتاع النت بسعر الجمله ووفرت معايا ف انى بجيب بيجامه او اتنين بفرق الفلوس
ف واحد جمب رجب العطار ف اول الازهر جميل جدا
و في ف العتبه شارع اسمه ش الشواذليه اسألى عليه هيقولولك
هتلاقيه كله محلات بتبيع تركى واسالى ع مول هناك اسمه مول القدس ف نص الشارع دا هتلاقي كله محلات بتبيع تركى بس خدى بالك مفيش قياس تبقي عارفه مقاسك وتقوليله عوزاه لارج مثلا يجبلك
وخدى بالك من التقليد مفيش تركى الوان مفيش تركى غير لون الصورة وخدى بالك من الصورة مش بتكون بهتانه وزى ميكون متصورة عند محل تصوير
ف محل كمان مشهور هناك اسمه اسلام عكاشه دا قمصان نوم و عنده منتجات لاسو باقل من سعر اللى مكتوب عليه بكتيييييير انا جبت واحد مكتوب عليه 225 ج جيباه منه ب 175ج
فرق 50 ج جيبي اولى بيهم
جبت رفايع كتيييييييير وكل ما ادخل المحل دا افلس ف الازهر ادخلى ع طول من ناحيه كوبرى الازهر هتلاقي ف داخله ع اليمين واسعه جدا وفيها محلات كتير امشى فيها هتلاقي كام سلمه كدا ع اليمين برضوا انزلى هتلاقي 2 محل انا عارفه وصفي يتوه اصلا بس مش عارفه اجبلكوا وصف تانى هو محل طويل ورفيع جداااااا مفيش اتنين يمشوا جمب بعض فيه
عنده حاجات جميله مش موجوده برا ومن غير فصال خالص ولا وجع قلب لو ليه ربع جنيه هياخدوا منك ياما ترجعى الحاجه
جبت من عنده علب تلاجه وبتدخل الميكرويف و الفرن ال 3 طقم كدا كان ب 65 ج تقريبا
وعلب تلاجه بتاعه الحفط تانيه ولازم اى حاجه بلاستيك تشوفى ف ضهرها معمول علامه مثلث وجوا رقم 5 تو مكتوب عليها pp ودا كدا صحيه
بلاش حاجه 2.5 مضره جدااااااااااااااااااااااا بالذات ف أكلنا بلاش منها
ولول افتكرت اى حاجه هقولكوا
وادعولى اكمل جهازى ع خير وربنا يوسع رزق بابا وخطيبي
ويجعله زوج صالح ليا يااااااااارب
متنسوش الدعوة والتقييم ف اديكواااا
هدعى عليكوا كلكلواااااااااا
dina amir dina amir 1169068_1.gif فتكات متميزة Fatakat 1169068 cairo – egypt