السلام عليكم يابنات …هحكى لكم بالضبط حكايتى مع الصفرا ربنا يبعدها عن اطفالنا جميعا قولوا امين
اول ماولدت بنتى لوجين دكتور الاطفال قالى بلاش تديها سكر بيعمل مغص وحاولى ترضعيها وسابنى بعدها دخل دكتور النسا اللى ولدنى قالى ادى البنت 50مل بيبى درينك بنص معلقة سكر قلت لا دكتور النسا بيستهبل السكر بيعمل مغص
وطبعا انتوا عارفين اللى بتولد قيصرى اللبن بيتأخر يومين تلاتة حسب التساهيل بعدها ب4ايام بنتى بقت ليمونة صفرة الصفرا وصلت ل18
ودوخت بيها وفضلت اشرب عصير قصب وقعدها فى الشمس قبل الساعة 11 الظهر والساعة 5قبل المغرب لحد ما الحمدلله الصفرا نزلت
روحت اشيل السلك ماما حكت للدكتور رد على طول انتوا مادتوش البنت سكر
ماما قالت له مامتها مرضيتش ….قالى بقى ايه السكر بينشط انزيم الكبد فابينع الصفرة قالى اه بيعمل مغص وشوية انتفاخات بس هى معلقة فى اليوم كله لحد ما اللبن ينتظم فى النزول
وقالى (زمان كانوا بيدوا البيبى ماية بسكر بعد الولادة وماكنش فيه صفرا قالى من ساعة ماقالوا بلاش سكر بيعمل مغص وظهرت الصفرا كتير جدا)
معلش طولت عليكم بس خلاصة الموضوع ان بعد كدة اختى و4اصحابى ولدوا وادوا ولادهم سكر فى البيبى درينك والحمدلله ماجتش لهم صفرا
يارب اكون فيدتكم بس والله دى نصيحة لوجه الله المغص له ادوية بالهبل لكن الصفرا ربنا يبعدها عنا دوخة
اللى يعجبها الموضوع تدعى لى ربنا يتم لى حملى التانى على خير بالله عليكم
مامت لجين السمرة مامت لجين السمرة 827417_1.gif فتكات متميزة Fatakat 827417 الاسكندرية – مصر