السلام عليكم ورحمه الله وبركاته
اول حاجه صلوا ع النبى يا بنات
انهارده انا جايبالكم طريقه عمل سلطه الرنجه ودى ممكن تتعمل ع العشا وسهله جدا وبسيطه
نبتدى مع بعض
المقادير:رنجه وبصل اخضر او بصل عادى زى م تحبى وطحينه وطماطمايه او اتنين ع الرنجايه الواحده وخل وليمون وفلفل اخضر
ولو هتعملى اكتر من رنجايه يبقى تزودى المقادير حسب منتى عاوزة
الطريقه يا بنات هتفصصى الرنجه ف طبق وطبعا البطارخ متنسيهاش دى احلى حاجه وبتدى طعم يجنن وبعدين تقطعى البصل قطع صغيره وتقطعى الفلفل الاخضر والطماطم
بعدين تجيبى الكبه وتضيفى كل المقادير اللى قلنا عليها فوق دى كلو على بعضو
وتشغليه لحد ما تبقى المقادير كلها عباره عن معجون بس كده وتجيبى العيش وتاكلى باه وانا ساعات بعملها سندوتشات بتبقى طعمها زى الكافيار
اكله سهله ومش هتاخد منك 5 دقايق مواضيع هذا القسم برعاية
ام يامن ولمى ام يامن ولمى فتكات حبوبة Fatakat 654076 بورسعيد – مصر
سبحان الله و بحمده