موضوع يستحق المناقشة يا بنات فى حاجات فعلا بتتجاب فى اول الزواج.ومش بتستخدم تقريبا
مثلا
1-مفرش السرير الدانتيل ولا اللى فيه كرانيش وخرز ده. ومعاه خداديات المسدس والمربع والمخروطى وكل ماتزيد وتندهش بالأشكال يبقى حركات ومختلف وشيك!!! حصة هندسة دى مثلا؟؟ ياترى ده اشترتيه بكام و إتحط كام مرة ع السرير ولو إتحط بنتغطى بيه نوو ابسلوتلى وقت النوم بيطلع اللحاف الفايبر المتين او.البطانية السانتمورا
2-فناجين القهوة اللى مش عارفة ماركة إيه واللى شكلها مش عارفه عامل ازاى …طب حد يشرب قهوة ياحضرات ؟؟ إن حد من بعيد قال انا يقولك بس فى مج او كوبايه صغيره لو سمحتى اصلى مليش فى الحاجات المعقدة دى !!! طب ده نعمل فيه كب كيك يعنى ولا إيه مش فاهمة بيتجاب ليه طيب؟؟
3-طقم الروب اللى بنشوفه فى الافلام اللى الست او الراجل الجرس يرن تقوم تلبسه علطول ويفتح الباب…والحقيقة إن اول ما الباب يخبط يا إسدال الصلاة ياعباية يالبس خروج والزوج اصلا بيفتح بالبيجاما ههههه ده اقصى درجات الشياكة فى البيت اساسا
4- اللبانة وبراد الشاى المنظر اللى عمره ماطلع إلا من ورا إزاز النيش وكأنه بيقولك انا بتاع شاى وربنا مش بتاع منظرة!! واللبانة اللى اصلا لو.حد طلب شاى بلبن بنلونه فى المطبخ ..إحنا هنفتح قهوة ع الانتريه؟؟ السكرية الصراحة بتطلع وقايمة بالواجب
5- شباشب الحمام اللى شبه الفوطة اللى بتيجى مع البرنس دى …اللى بعد إسبوع بتبقى واحد وواحد وبعد إسبوعين بيبقى خرج ولم يعد وفى الآخر شبشب الحمام التقليدى هو اللى باقى ع العشرة…
وغيره وغيره مهما كانت الحاجة كبيرة او.صغيرة.بس بنجبها لأن مش مهم انا هستعملها ولا لأ المهم ليه ماتبقاش عندى يعنى هو انا اقل من غيرى؟؟!!!!"
ياريت نغير ثقافة أين اشيائى دى وتبقى اين إستهلاكى…ولا هذا ماوجدنا عليه أبائنا ياقوم؟؟
Fatafet Elsokr Fatafet Elsokr فتكات حبوبة Fatakat 1082530 الاسماعيلية – مصر