السلام عليكم ورحمة الله وبركاته
ازيكم يا عرايس ؟
يارب تكونوا بخير
أنا النهاردة كده وانا قعدة من الشغل
قولت أقولكم علي كل الاماكن اللي ممكن نجهز منها في القاهرة كلها
العتبة والازهر وسوق التلات وسوق عزه وجنينة مول وعباس العقاد وشارع شهاب وسبتي ستارز
أولا صلي ع النبي (عليه الصلاة والسلام)
-لازم تكوني محدد اللي عاوزة تشتريه في ورقه عندك
– لازم تكوني عارفه اعداد الحاجة الللي هتشتريها
-لازم تكوني محدده الفلوس اللي معاكي
ده عشان تعرفي اللي مناسب ليكي والاماكن اللي تروحيها
من أول العتبة لحد سيتي ستارز
نبدأ بالعتبة
طريقها اي كان مكانك تركبي المترو وتنزلي محطة العتبة
هتنزلي العتبة منها هتروحي للاماكن التالية (حلوة التالية دي ) ههههه
1- حمام التلات
2-الغوريه
3-شارع الازهر
4الموسكي
حمام التلات
طريقة أنا أخدته من مشاركات الفتوكات هنا
-ولو قريب منك مترو اركبي مترو وانزلي محطة العتبه
هاتلاقي نفس العربيات والتاكسيات اسالي علي اللي رايح الازهر وحمام الثلاث
-لو بتركبى المترو انزلى محطة العتبة واطلعى من مطلع سور الازبكية للكتب
وادخلى شارع الازهر واتمشى شوية لغاية شارع بورسعيد هتلاقيه هناك
المسافة من المترو لغاية حمام التلات ربع ساعة
وصلنا تمام
هو بيتباع فيه كل رفايع المطبخ من كل حاجه
صيني اركوبال كاسات كوبيات حلل كل حااااااااجة
واسعارة حلو ومعقوله وفيه الحلو والوحش
والغالي والرخيص ولازم تبقي شاطرة
ودي صورته
وبعدين عندك الغورية وشارع الازهر
بتركبي برده تاكسي من بعد المترو تقوليله غوريه بينزلك هناك
ملايات لبس بيتي حلو جدا
واللحاف والبطاطين
وبصراحه في حاجات راقيه وجميلة
وعبايات سودا والترنجات الشتوي هناك جميله جداا
وده شكل الشارع.
وبعدين عندنا شارع القماش التربيعة
قبل الغورية فيه كل انواع الاقمشة
بس عاوز واحدة شاطرة وعارفه الاسعار
وفيه قماش ستاير وتنجيد وانتريهات كويس
برده عاوز واحدة شاطرة وبتعرف تفاصل
اها … وعلي فكرة اول ماتنزلي من المترو
هتعدي علي بتوع كتب كده وبعدين هتطلعي الشارع
هتلاقي ع اليمين جراج ده يمينك
تمشي في الشارع ده وترجي منه تركبي
ولو عديتي الشارع من غير ما تمشي الشارع
هتلاقي بتوع شنط عندهم شنط كوبي حلوه
وخلي شعارك طول ماانتي في العتبة اللي يسأل ميتوهش
وأسالي كزا مرة عند كزا بياع عشان مش يضحك عليكي
وتعرفي السعر الحقيقي .
اه وفيه برده شارع عبد العزيز بتاع الاجهزة والموبايلات
فيه كــــــــــــــــــــــــــــــــــــــــــــــــل الاجهزة الكهربائية
ممنوع وضع لينكات مواقع اخرى
الاداره
وده موقع فيه اسعار الحاجات فيه جبته من فنوكه هنا
وهكمل لكم بعدين ان شاء الله كل الاماكن وهنتكلم عن لاسعار كمان
ادعووووووووولي الله يخليكم
سوق غزه وحاره اليهود
#29
شوارع وسط البلد
#55
سمااسلام سمااسلام 314541_12.gif فتكات رائعة Fatakat 314541 القاهره – مصر