ازيكو يافتوكات ياعسولات انا النهارده هقولكو على كفته السمك انا كان عندى سمك مشوى بايت فى التلاجه والاولاد مش راضيين ياكلوه قلت اغير منه وبعد تفكير عميق قلت اعمله كفته هقولكو عملته ازاى بس بقى مش هتصدقو اكلوه كله واتجننو عليه وكانو عايزين تانى بس مكنش فى سمك
وقامو تانى يوم الصبح بيقولولى اعمليلنا ساندوتشات كفته سمك هههههههه
المهم بقى هقولكو على الطريقه قشرت السمك المشوى كله وحطيت هما كانو 3 سمكات كبار وحطيت عليهم بيضه وبصله مبشوره وملح وفلفل وكمون وكسبره نشفه وكيس فيجيتار وبقدونس وعملتها اصابع وحطيتها فى البيض وبعدين الفيجيتار وقليتها فى الزيت طلعت فظيعه وهتاكلو صوابعكو وراهايلا بقى جربوها وقولولى رأيكو مواضيع هذا القسم برعاية
jesey jesey فتكات حبوبة Fatakat 456139 المنصوره – مصر