بسم الله الرحمن الرحيم والصلاه والسلام علي رسول الله صل الله عليه وسلم.
الكشك مكوناته نص كوب رز معلقتين دقيق وبصل ومكعبات فراخ او لحمه كوب حليب شربه موجوده عندك ويسلام لو شربه بتاعت بطه ولا وزه موزوزه.
الطريقه
نحمر البصل كويس زي بتاعه الكشري
نحط الحليب عليه الدقيق ونقلبه كويس فيه
نسلق الرز ونسويه اوي
نحط الشربه تغلي ع النار ونحط فيها الرز وعليها نص كميه البصل المتحمر ونقلب كويس وبعدين نضيف الدقيق بلحليب ونقلب ونزينه بلبصل وممكن نحط جوه منه قطع لحمه او فراخ
الفته بلخل والتوم
نسوي رز ابيض خالص ونحضر الصلصه عباره عن طماطم وعليها توم وملح وفلفل وكمون وخل كله ع النار يستوي ونقطع عيش ونقليه في الزيت او نحطه في الفرن.
ونرص الطبق العيش تحت وبعدين الرز ونكرر كمان مره عيش ورز ونحط ع الوش الصلصه
الموزه الضاني عملتها بنفس طريقه اللحمه العاديه شوحتها مع بصله ورق لورا حبهان قرنفل فلفل اسمر وشويه واضيف المايه واسبها تستوي وفي الاخر احط الملح.
والكفته دي عملتلها كام موضوع
احضر اللحمه
واحط توابل توم بودر وبصل بودر وبصل متصفي مايته وبقدونس وملح وفلفل ورق لورا حبهان قرنفل بهارات كفته وبرغل ونعجنها كويس ونسبها في التلاجه وبعدين نصبعهاونحطها في الفرن وندهن وشها زيت وبعدين نولع فحمه ونحطه في نص الصنيه ونحط عليها نقطه زيت تبخر الكفته وتخليها زي الشوي بلظبط اونشويها وعلي الفحم علطول .
وطبق الحلو دا للحلوه الي هتقيم
كدا خلصت يارب يكون الموضوع عجبكووو
مواضيع هذا القسم برعاية
لولوه الشعنونه لولوه الشعنونه 658279_2.gif فتكات غالية قوي Fatakat 658279 ابوظبي – الامارات