السلام عليكم فتوكاتى الاعزاء
انهرده جيبالك طريقه الكريب سهل جداااااااااا
كريب بالسطرمه بس لو حابه تغيرى البسطرمه باى حاجه تانى زى الفراخ او السوسيس .. ممكن طبعا
المكونات:2 كوب دقيق 2 و نصف كوب لبن 12 كوب زيت ذره ملح فلفل 2 بيضه الطريقه
نحط يا فتوكات 2 كوب دقيق فى وعاء بلاستيك كدا
وبعدين نضيف عليهم ال 2 ونص كوب لبن
وبعدين بقا نخلطهم كويس بالمضرب ولو حابه تستخدمى المضرب الكهرباء
هيدى نتيجه احسن المهم الدقيق واللبن يتجانسوا
وبعدين نحط النص كوب زيت ونكمل خلط
بعد كدا نحط الملح والفلفل حسب الرغبه
واخر اضافه للمكونات تكون ال 2 بيضه
ونخلطهم كويس جداا لحد ما يدونى القوام دا الى انا عاوزاه فى النهايه
وبعدين نجيب طاسه تيفال طبعا اهم حاجه عشان متلزقش ونحتاس
وقطنه صغيره ندهنها بالزيت و نمسح بيها الطاسه قبل ما ابدا اسوى الكريب بتاعى
وبعدين احط شويه من العجين دى بالمغرفه كدا
وبعدين نقلبها على الوش التانى لما نحس انها استوت من تحت
وبعدين نطلعها فى طبق ونعمل واحده تانيه وهكذا لحد ما اعمل الكريبات كلها
ودا الشكل النهائى للكريب كلو بعد ما خلص
نحط بقا الكريب بتاعى على جنب ونغطيه ونبدا نجهز الحشوه
مكونات الحشو:بسطرمه جبنه شيدر و مونذريلا وممكن نحط تركى طماطم فلفل اخضر وزيتون حسب الرغبه توابل ملح فلفل كركم توابل البيتزا الطريقه
نقطع الطماطم مكعبات و البسطرمه والجبنه والفلفل والزيتون والتوابل ونخلطهم
كلهم سوا بالشكل داا
بس انا محطتش فلفل ولا زيتون عشان مش بحبهم
وبعد كدا نجيب حله ونحط فيها حته زبده صغننه كدا مش كتير
ونحط المكونات بتاعتى دى بالمنظر دهون
بس بقا كدا هقلبهم كويس على النار تكون هاديه لحد ما البسطرمه تاخد لون ونطفى عليها ونجهزها بقا عشان نحشى الكريب بيها
ونجهز يا فتوكاتى صينيه عشان نحط فيها الكريب المحشى
وطبعا ندهن الصينيه بالزبده بس مش كتير
وبعدين بقا نمسك كريب واحده ونبدا نحشيها بالطريقه دى
ونحط جنبه مونزريلا
وبعد ما نلفهم كلهم نرش من فوق جنبه مونذريلا بقا عشان تدى لون حلو وتششد
وبعد كدا ندخلها الفرن لحد ما الجبنه تسييح شويه
ودا هيبقا الشكل النهاااااائى وبالهنا والشفا
يارب تكون الوصفه حلوة وسهله وتنفذوها وتعجبكم
متنسوش التقييم والدعاء
ادعولى بالزوج الصالح بقا مواضيع هذا القسم برعاية
مرموره اليكس مرموره اليكس 646607_1.gif فتكات رائعة Fatakat 646607 الاسكندريه – مصر