السلام عليكم يا فتوكات
كتير منكم ومن اصحابى ومن اقاربى بسمعهم بيشتكوا من الكفته
سواء بتفك او بتكش او بتبقى ناشفه
او طعمها مهما اعمل بتبقى مش زى بره
طبعا بره ليهم طرقهم وهما مش بيستخدموا لحمه خالصه لا بيخلطوا مع اللحمه دهون وفول صويا وبرغل واللحمه فيها بتكاد لا تذكر
وده الى بيخلى الكفته بتاعتهم ليها طعم تانى
طيب تعالوا نعملها فى البيت بنفس الشكل والطعم وهتشوفوها بنفسكم
بس خلينا الاول نتفق ان الكفته ليها تكنيك علشان تنجح معاكى
1_ تكون اللحمه مش حمراء بنسبه 100 % لازم تكون فيها نسبه دهن حوالى 20 او 30 % يعنى الكيلو ياخد 200 او 300 جرام دهون وده الى بيخلى الكفته متماسكه ومسامها ناعمه لانها لو حمرا هتفك وهيبقى شكل مسامها مفتوحه ومفشكله هههههههه
2- البصل لازم يكون مش كتير يعنى بصله كبيره على الكيلو او بصله متوسطه على النص كيلو
3- ممكن تخلطى مع الحمه اما فول صويا او برغل والمحلات ساعات بتحط الاتنين بس انا حطيت برغل بسسس
4- الدهون الى بتحطيها يستحسن تكون دهن ضانى زى الليه او اى دهن من الخروف عموما علشان يدى الطعم الحلو للكفته وبيتفرم مع اللحمه
5- لازم اللحمه تتفرم ناعم علشان اما تتصبع تكون مسامها ناعمه ومتماسكه وبعد السوا يبقى شكلها حلو ومتماسك وناعم
6- لو هتشويها على الفحم او الشوايه الكهربائيه لازم تشمعى اللحمه الاول بمعنى انك تاخديها شويه على الجنب اتحتانى واما تلاقى لون اللحمه اتغير تحركيها على الجنب التانى وبكده تضمنى انها مش هتفك من السيخ
7-يستحسن تتصبع علىاسياخ سواء خشب او اسياخ معدنيه او حتى قلم لو معندكيش بس الاسياخ احسن لانها بتثبت الفجوه الى اتعملت بعد السوا كمان
8- ميستحسن فى الكفته التوابل الكتير يعنى ملح وفلفل وبهارات لحمه
وبسسسسس علشان طعمها يبقى زى الجاهزة بالضبط
ان شاء الله لو عملتوا كل ده محدش هيشتكى تانى من الكفته وهتبقى احلى كفتجى ههههههههه
نبدأ بسم الله
كيلو الا ربع لحمه مفرومه حمراء
100 جرام دهن ضانى او كندوز بس طبعا الضانى احلى
بصله متوسطه
حزمه بقدونس وده اختيارى بس انا حطيته
ملح وفلفل وبهارات
حوالى كوب الا ربع برغل مغسول ومنقوع فى مايه ساخنه لمده ساعه
وبعدين نصفييه كويس اووى ونفرمه مع باقى المكونات
الطريقه هنفرم كل المقادير ده مع بعض فى الكبه وهيبقى شكلها كده
هنصبعهم فى السيخ الخشب ونرصها فى صاج فرن مدهون زيت
والكميه ده ادتنى 12 سيخ زى ما انتو شايفيين
هندخلها الفرن ونحضر فحمايه زى ما كلنا عارفين واول ما تطلع نحط الفحمايه فى اى مكان فاضى فى الصاج ونغطيها كويس وطبعا الصاج هيكون نزل الدهون الزياده فيه
وطبعا نقدمها على فرشه من البقدونس كده
شايفيين الصباع زى ما هو لا كش ولا مسامه اتتفتحت ولا فك
اقرب
وقدمت معاه سلطه خضراب وبطاطس
وده صوره علشان اجوعكم واخليكم تجربوها بسرعه
اتمنى تكون عجبتكم يا قمرات وتجربوها بجد شكل وطعم ولون الكفته الى بنشتريها من برده والاحسن انها مضمونه وانتى عملاها بأبدك وبجد عجبت جوزى اووى وقالى احلى من الجاهزة
ومتنسوش التقييم يا قمرات
سلام
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى