بسم الله الرحمن الرحيم
السلام عليكم ورحمة الله وبركاته
اللهم صل وسلم وبارك على سيدنا محمد
النهارده حبايبى موضوعنا ان شاء الله عن كباب الحلة
واهم تكاته
وتكاتى حكتبها باللون الازرق علشان تظهر
المقادير
لحمة مكعبات (اى نوع كندوز او بتلو)
بصل مقطع صغير
بهارات
عصير نص ليمونة
صويا صوص
ملح
فلفل اسود
الطريـــــــــــــــــــــــــقـــــــــــــــــــ ـــــة
نشوح البصل فى الزيت او السمنة
ونتركه حتى يحمر بهذا الشكل
ثم ننزل بمكعبات اللحمة تاخد صدمة ونقلب حتى يتغير لونها
ونضع عليها البهارات وعصير الليمون والصويا صوص ماعدا الملح لان الملح لو اتحط فى الاول بياخر سواها
فى الفترة دى لانزودها ماء ونتركها هى حتنزل ميتها
مع التقليب من حين لاخر
واول ماميتها تقل وتتقل وتبقى صوص نزودها ماء سااااااااااخن مش بارد لان البارد حياخر سواها وحتبقى زى الكاوتش
ولانغطيها بالماء لاننا مش حنسلقها الميه يدوب تغطيها
ونغطيها بغطاء محكم مع التقليب من حين لاخر علشان متشيطش واول ماتقل ميتها وتبقى شبه الصوص ندوق الصوص نشوف محتاج ملح قد ايه لاننا احنا حطينا صويا صوص مننساش لكن لو مفيهاش صويا صوص نظبط ملحها حسب مانحب
ونختبر اللحمة بشوكة او ملعقة لو لقيناها لسة شديدة نزودلها مية تانى حتى تستوى وتشرب ميتها ويبقى فيها صوص جميل
وتقدم بالف هنا وشفا
اتمنى تكون وصفتى عجبتكم
فى امان الله حبيباتى
التقييم امااااااااااااااااااااااانة مواضيع هذا القسم برعاية
شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر