السلام عليكم ورحمه الله وبركاته
انهارده جيبالكو وصفه برده بكبد الفراخ هى جديده بس طعمها رائع
وطبعا كلنا عارفيين اد ايه هى مفيده للاطفال بس معظم الناس مابتحبش تعملها عشان زفارتها
انا بقى بستعمل معاها التتبيله الى هقولها وان شاء الله مش هتشمى ريحه زفاره خالص والطعم روعه باذن الله
ندخل ع المقادير
نص كيلو كبده فراخ
بصله كبيره شرايح
معلقه كبيره دقيق
معلقتين سمن
ملح – فلفل –كمون- كارى – بابريكا – ورق لورا – توم-جنزبيل – لمونه
الطريقه
هنتبل الكبده بالخلطه دى لازم عشان الزفاره جربوها وانسو ريحه زفاره تانى ف الكبده
توم – عصير ليمون – ورق لورا – بابريكا – جنزبيل
ونسيبها ف الخلطه دى اقل حاجه نص ساعه
الطريقه
هنجيب طاسه ونحط فيها معلقه سمن وننزل بالكبده وتتبيلتها ونشيل بس ورق اللورا منها وهنضيف كمون وفلفل اسود وهنقلب لحد ماتتحمر هنيلها ف طبق وفى نفس الطاسه هنحط معلقه السمن التانيه وننزل بالبصل لحد مايتحمر وعليقه معلقه الدقيق ونقلب وننزل عليه بمايه مغليه اول ماتفور ننزل بالكبده ونسيبها لحد السوا وماننساش الملح
انا عملت جمبها نوع البطاطس ده طعمها حلو وجديد
البطاطس بالزبده والبصل
بطاطس مهروسه – زبده – بصل -كسبره ناشفه -ملح وفلفل وكمون
هندبل البصل لحد مايصفر وننزل عليه بالكسبره الناشفه تتحمر اطفى عليها واضيفها ع البطاطس مع الملح والفلفل والكمون
بعد كده حطيتها ف كيس حلوانى وعملت الوردات دى وحطيت الكبده ف النص طبعا شكل التقديم ده اختيارى
اسيبكم مع الصور
اى استفسار انا موجوده ويارب الاكله تعجبكو مواضيع هذا القسم برعاية
ساجدة غفران ساجدة غفران 257302_19.gif شيف فتكات Fatakat 257302 القاهره _ الحلميه الجديده – مصر