ازيكوا يافتوكات
النهاردة ياقمرات عملت فيها تونة الكبابكى وعملت كباب وكفتة …انا بحب الشوى على الفحم بيدى طعم مختلف برضة عن الشوى على الشواية
تعالوا شوفوا عملت ايه
طبعا اللحمة ضانى لان الكباب مش بيقى كباب الا باللحمة الضانى
انا قطعت اللحمة مكعبات وبيتها فى بصلتين مضروبين فى الخلاط بشوية ميه وخل وملح وفلفل
سيختها وعلى الشواية بعد ماولعت الفحم
الاسياخ جنب بعضيها…..هههههههه
انا بقى رفعة الاسياخ عن النار علشان تستوى بالراحة وكل شوية اقلبها
ودى اللحمة المفرومة بتاعه الكفتة ..وعشان تبقى لذيذة وزى بتاعة برا لازم تحطى للحمة دهن مفروم معاها يعنى كيلو الاربع لحمة علية ربع دهن ضانى
وبشرت عليها بصلة
والسر بقى عشان الكفتة تتماسك …معلقتين برغل مغسولين ومنقوعين فى شوية ميه سخنة
ووعجنتها فى بعضها
بشوية مية فى ايدى صبعت الكفتة فى الاسياخ
ودى اللحمة على الفحم
ودى الكفتة فى الطبق فى النهاية
وطبعا معرفتش اصور اللحمة فى طبقها النهائى عشان العصابة اتلمت عليا وبيقاكو جعانين
ودى طبعا السلطة وعملت جنبها سلطة طحينة مش مالحقتش اصور السفرة عشان حصل هجووووووووووووووووووم
وانا كده خلصت …يارب اكون افدت وحد يستفاد من موضوعى
لو عجبك الاكل قيمى ….فى امان الله
مواضيع هذا القسم برعاية
تونة555 تونة555 295489_32.gif Fatakat 295489 الجيزة – مصر