السلام عليكم حبيباتى الفتو كات وحشتونى جدا بئلى فتره مش بنزل موضيع جديده والنهارده عملتلكم اكله يارب تعجبكم
عملت لحمه كباب فى الصنيه واخدت الصوص الاى فضل منه فى الصنيه وعملتو صوص لاكل على الرز تحفه
ي لا نبتدى ده صوره تشوقيه
اولا المكونات
كيلو لحمه اى نوع
التتبيله 7 فصوص توم ربع كوب خل ملح وفلفل اسود وزعتر وروز مارى طماطميه
للصوص كوب شوربه ومعلقتين دقيق
اولا هنتبل اللحمه بنحط كل المكونات التتبيل على بعض ونحطهم على الحمه ونسيبهم ساعه اتنين تلاته برحتك خالص وكل اما يذيد الوقت كل اما يكون احسن
بس نجيب صنيه بئه ونحطهم فيها وبميتو بتتبيلو بكل حاجه ونحطو على البوتجاز من فوق ونغطى الصنيه كويس جدا ونغليه غلوه ونوطى النار لحد ما يكون 3 تربع سوا لو احتاجت مايه فى الوق ت ده ذودى بس انتى لو غطتيها من الاول ى ووطى عليها النار مش هتحتاج مايه وبرضو تقطيع الحمه بيفرق فى السوا تقطيعها متوسط علشان تستوى حلو ذى الكباب انا كانت لحمه ضانى فا معرفتيش اصغرها اكتر من كده
المهم اول ما تحسى انها خلاص دخلت فى السوا على الفرن بصنيتها بكله ملحوظه اوعى تسيبى الصنيه تتحرق قوى من تحت الحمه يعنى الصوص الاى تحتها يكون غامق شويه مش محروق علشان هنحتاج الصنيه
بس كده وهنخرج الحمه من الصنيه
معليش ما صورتيش الخطوه ده بس هقولكم بالتفصيل الممل هنجيب الصنيه الاى قعرها بنى طبعا ونجيب كوباية الشوربه او كوبيتين على حسب انتى عايزه قد ايه بس هو معبقه او اتنين فى كل طبق بيكفو هنحط معلقة سمنه صغيره ونحط فيها معلقتين الدقيق ونقلب وبعدين نحط الشوربه نسيبهم يغلو هتلاقيها بئت صوص تخين بنى ذى صوص الديمجلاس بس بتحطيه فى الطبق وتاكلى بيه الرز تحفه يا بنات بس اهم حاجه الصنيه متكنش محروقه متدهاش فرصه تتحرق وده شكلها النهائى
الحمه اغمقت منى شويه البيه كل شويه يقولى انا جاى سخنى الاكل ويبرد واسخنو لحد ما زهقت
وده صورة الاكل كله كنت عامله حووشى اسكندرانى والسلطه الاى بموت فيها سلطه الفصوليا الخضره
وفى الاخر بحبكم فى الله ادعولى اخرج من الحله الاى انا فيها ده ويعوضنى خير انا وانتم يارررررررررب
مواضيع هذا القسم برعاية
ام الوردتين الحلوين ام الوردتين الحلوين 623180_22.gif فتكات ست الكل Fatakat 623180 الجيزه – مصر ام الدنيا
سبحان الله و بحمده