بسم الله الرحمن الرحيم
عزيزاتي الفتوكات.. انا مبسوطة اوي اني اشتركت معاكم لاني بقرا مواضيع كتير في المدونة من زمان وعاجبني جدااا
واسمحولي اطرح مشكلتي ومعلش لو طولت عليكم بس المشكلة دي مشكلة بنات كتير واتمنى اني افيد واستفيد
انا طولي 157 ووزني تقريبا 80، بس انا مش محبة للاكل ولا المسبكات والحلويات والنشيات ولا المخللات ولا اي شـــــــيء، طيب ازاي ده وزني؟؟
المشكلة ترجع من سنة تالتة اعدادي لما ابريود بدات تجيلي شهر وكااام شهر لا، ولان كنت صغيرة اوي مامتي سمعت لكلام النا وقالولها هتتظبط لوحدها او لما تبقى تتجوز، وطبعا الكلام ده جهــــــــــــــــــــل، لاني مشيت بالطريقة دي محصلش اي جديد وبدأت اتخن من الماية اللي ملت جسي شهور وبدأت اتخن وشكلي يتغير من سيء لأسوأ.. ولما فكرت اكشف كنت في 3 ثانوي روحت لدكتور امراض نسا وطبعا مش هقولكم التهزيء اللي اتهزئته لان طلع عندي تكيسات عالمبايض زي الرز وفضلت اتعالج منها سنتين تقريبا بس ساعات مكنتش بنتظم مع الدكتور واخد الدوا مني لنفسي ( الدوا الل هوة شريط دايرة نصه ابيض ونصه بني ) وبعدين بطلت كل حاجة من كلام الناس اني ازاي رحت لدكتور نساء وانا انسة يعني اعصابي تعبت بقى، فضلت ماتجيش بعدها والله 8 شهور رحت بعدها للدكتور كان هيرميني من الشباك وقالي ان عندي التهابات بس التكيسات الحمد لله كانت راحت بنسبة كبيرة والحمد لله ربنا كمل شفايا بخير والبريود بدات تجيلي بانتظام بس الموضوع ده كلـــــه طلعت منه بوزن 92 كيلو وقتها روحت لدكتورة ريجيم عملتلي ابر صينية في الودان ونظام ريجيم نزلني 10 كيلو.. بس جالي انيميا جامدة لان اصلا اكلى قليل ولما قللته زيادة عملي زي انتكاسة كدة
دلوقتي انا نفسي بجد انزل 20 كيلو مثلا لاني بشتغل صحفية وقريب ان شاء الله هكون مذيعة على التي في ( ومحجبة الحمد لله) يعني الوزن ده عايزة انزله ف شهرين ولا حاجة… بس المشكلة ازاي؟؟
مفيش نظام ريجيم بمشي عليه مش علشان مبقدرش اقاوم وباكل.. لا عشان انا كمان بسافر القاهرة ف الاسبوع مرتين تلاتة غر اني بسافر الزقازيق للماجستير وانا من المنصورة يعني الاكل ده بسلم عليه آخر اليوم ولأني بفضل بال 24 ساعة بجد من غير اي اكل ولمشكلة اني عايزة اخس ف ازاي همشي على نظام اكل وانا مينفعش انتظم على فطار وغدا وعشا….او على الاقل غداء وعشاء اعمل ايه بقى؟
مع العلم اني لما بخرج بتعب يعني مبينفعنيش ماكلش خالص… زي البسكوت والشيبسي والشوكولاتة او السندوتشات حتى بسبب الانيميا ولان عندي ضغط واطي والتهاب اعصاب في دراعي اليمين وعندي كمان ضيق في التنفس..من الاخر ناقصني التروكة والشكشوكة عشان تبقى كملت
حد فيكو بقى يقولي اعمل ايه؟؟؟؟واي نظام اكل ينفعني في الظروف دي؟؟ مع العلم اني لو رحت لدكتور هيديني نظام اكل وخلاص مش هتفرق انيميا ولا اي حاجة تانية
خوخة المنصورة خوخة المنصورة فتكات حبوبة Fatakat 418328 المنصورة – مصر