قائمة مشتروات العروسة
اولا المكيب
1- كريمات الاساس : هتحتاجى نوعين
الاول: مات فاونديشين:
ودا عشان الخروج
الافضل ( جولدن روزب 60 جنية – كلر ترند من افونب 12 جنية – اماندا ب 35 جنية – اى نوع تحبيه )
هتحتاجى علبة واحدة بس
النوع الثانى الاضاءة
ودا بيدى لوك طبيعى وحلو لو انتى قاعدة فى البيت او الخروجات بتاعة الصبح
فى انواع كتير وافضلهم فيجنز من اوريفلام ب 39 جنية
هتحتاجى عدد 1 علبة بس
2- البودرات: هتحتاجى 4 انواع
الاولى : بودرة عادية
اى نوع تحبيه من افون اوريفلام جولدن روز اللى يريحك انا بحب جولدن روزب 30جنية – افون ب 30 جنية – جرين تى ب15 جنية العدد (1 )
الثانية بودرة بلمعة
الانواع كتيييييير وفى من جولدن روز بردوا حلو جدا انا اصلى بموت فى الماركة دى – او اى نوع عادى تجبيه ads عندى وممتازة وسعرها 15 جنية
العدد ( 1 )
بعتزر لصاحبة الصورة
البودرة السائبة لوس باودر
هاتى دوف كبيرة ومعطرة للجسم طبعا وممكن لمعة كدا للوش ب 30 جنية وشكلها تحفة
العدد (1 )
البودرة المائية : للمناسبات
فى نوع سورى اسمه انى كلاين حلو اوى ومظهره طبيعى ب 25 جنية وشكل العلبة تحفة شيك جدا
العدد (1 )
3- البلاشرات
هتحتاجى3 الوان تقريبا ( سيمونى – بينك فاتح -بينك محمر ) دول للبشرة الخمرى وباقى الالوان عادى للبشرة الفاتحة وهنجيبهم ليهم لمعة بدون جليتر – اما البينك المحمر فنجيبها مات ياعنى مفهاش لامعة ودى تنفع للخروجات اكتر او الصبح
4-الكحل
هتحتاجى الوان ( اسود – ازرق – اخضر – ابيض ) الابيض دا للعيون الضيقة او للعيون الداخلة لجوا يتحط فوق الجفن بيدى شكل افضل فى انواع وتر بروف بتكون فى حدود 20 جنية والباقى عادى.
5- اي لاينر
هتحتاجى واحدة بس اسود فاحم وفيها من فوق لم اى لاينر بردوا مزدوجة ياعنى ودى رخيصة ونتايجهم حلوة جدا.
طبعا مش دى دى ديور الاصلى هههههههههه
6- اى برو كيت ( الحواجب )
اجمل حاجة نوع سائل كدا من ايفر بيوتى ومعاه فرشة ودا بيدى مظهر تحفة بجد بيخلى شكل الوش يختلف وبيكون بنى غامق افضل لون مع الكل ووتر بروف ب 3.5 جنية هاتى (2 )
7- الاى شادو هتحتاجى نوعين
النوع الاول بالتية كاملة 150 لون او ال 40 لون
الوان مخملية بتدرجاتها
فى بريتى وامان ب 80 جنية وحلوة جدا
وال40 لون فى لوريال هاى كوبى حلوة جدا
علبة واحدة فقط
النوع الثانىاقلام الدايفز المزدوجة
هتحتاجيها الصبح اكتر لانها عملية وحلوة والقلم الكويس كبيره ب 7 جنية
هاتى 6 اقلام ب 12 لون
8- الماسكرا :
احسن نوع سبكترا لاش من افون ب 20 جنية او اى نوع ترتاحى ليه هاتى عدد 2 وواحدة شفافة بتكون ب 10 جنية وزى الفل.
9- الروج : هتحتاجى نوعين
النوع الاول الاقلام العادية والدايفز
وتحيبى انواع وتر بروف افضل حاجة
افون – اوريفلام – اماندا – جولدن روز كل دول القلم فى حدود 25 جنية
وممكن اقلام عادية ب 7 جنية مش هتقول لا انا جايبة دايفز ب 7 جنية وتحفة فى اللون والنعومة والثبات وفى بردوا حاجات هاى كوبى ممتازة
هتحتاجى 5 الوان تقريبا.
النوع الثانى الجلوسات
اماندا حلوين ومتجبيش ابو 2.5 فاااااااااااااشل هاتى حاجات كويسة
انتى وزوقك
هتحتاجى حوالى (5 ) الوان
+ لون شفاف
10- زبدة الكاكاو والليب بالم : هتحتاجى نوعين
النوع الاول بلسم شفاه – ليب بالم عادى
هاتى بتاعة اوريفلام حلوة وتمنها فيها – لو معرفتيش هاتى بتاعة افون – او نوع حلو اوى اسمه ليب كود – وممكن تجيبى تندر كير من اوريفلام حلوة جدا
عدد (1 ) بلسم شفاه
عدد (2) مرطب شفاه
عدد (2 ) الروج السحرى بينفع جدا.
دا الروج السحرى
النوع الثانى ليب بالم بالملمع والنكهات
اسمه ليب كير ومتوافر فى السوبر ماركت الكبيرة ثابت جدا وبيرطب وبيلمع وريحته تحفة تحفة هاتى منهم بكثرة مهمين جدا
عدد (4) اطعم مختلفة.
شكله زى دا كدا
11- بخاخ السيقان والجسم
دا اللى بيدى لمعة جامدة للجسم ويخلى الساق زى ما تكونى لابسة شراب فوال
دا هتلاقيه فى المولات الكبيرة ومحلات التجميل اللى فى شارع الشواربى والسوبر ماركت الكبيرة واخر مرة شوفته كان ب 45 جنية طبعا هتجيبى واحدة بس
كدا خلصنا جزء الميكب
وياااااااااااااااااااااااااااااااااااااااااااااااا ااااااااااريت محدش يشترى قبل الجواز بفترة كبيرة ولا يجيبه ويخزنه
بيبوظ بجد وبيبقى وحش جدا جدا – وكل حاجة منكترش منها لان الميكب بيعقد كتير
وكل واحد يمشى حسب ميزانيته وزى ما قلت قبل كدا مش كل الغالى حلو والرخيص وحش
وانتظرونى فى اجزاء البشرة والشعر والجسم
7
7
7
7
يتبع
مهندسة مصرية مهندسة مصرية 104854_2.gif سوبر فتكات Fatakat 104854 القاهرة – مصر