ازيكم يااحلى فتوكات فى الدنيا 
النهارده هنتكلم عن موضوع مهم جدا كلنا عايزين نعرفه
كل واحده مننا بتعمل عزومه بتسأل نفسها ياترى احط الاطباق على السفره ازاى
ياترى كده شكلها حلو ياترى ده هو الاتيكيت
وطبعا بتبقى اسئله كتير ملهاش عدد 
ممكن فى وقت نعزم ناس مهمين مثلا رؤساء اجوازتنا فى الشغل او ناس من بره مصر او ناس بتعرف فى الاتيكيت كويس او نعمل حاجه مميزه فى مناسبه حلوه لاجوازتنا
يبقى لازم نعرف فى تنسيق السفره كويس علشان يبقى منظرنا كويس قدام الضيوف 
وان شاء الله انا هانزلكم الشرح كامل وبالخطوات وبالصور حصريا من بيتى
يارب تعجبكم وتستفادوا بيها
اول حاجه نفرش السفره بمفرشها ويكون نضيف ومكوى
ثانيا نحضر الاطباق : الاول نحط الطبق الرئيسى قدام كرسى الضيف
وبعده بنحط عليه طبق السلطات والخضار
وبعدين بنحط عليهم طبق الشوربه ولو مش احتجناه ممكن منحطوش خالص
وبعدين بنجيب السكينه والمعلقه والشوكه
بنحط السكينه وبيكون وشها اتجاه الطبق وجمبها المعلقه فى ناحيه اليمين والشوكه بنحطها فى ناحيه الشمال
وبعدين بنجيب كوبايه المايه وكاس العصير وبنحطهم اعلى السكينه والمعلقه فى ناحيه اليمين
ولو فيه كمان حلويات او عيش او زبده بنحط طبق صغير اعلى الشوكه فى اتجاه الشمال وفوقه المعلقه او الشوكه او السكينه زى ما الاكل يحتاج والشكل ده هيوضح كل حاجه
و لو مش محتاجين الطبق الصغير ممكن نشيله خالص
نجيب مناديل السفره ونعملها باى طريقه نحبها وتكون سهله
ودى طريقه انا عملتها وكنت سهله هى عباره عن مروحه وحطيته فى كوبايه المايه وكان شكله رائع لان المنديل كان مطرز بشكل جميل
وده كان شكل تقديم اطباق الضيف فى النهايه شوفتوا شكله حلو ازاى
وده شكل تانى لاطباق الضيف بس بطريقه مختلفه لمنديل السفره
حطيت فيه السكينه والمعلقه وعملتهم زى الجيب وكان شكله حلو اوى
ودى كانت شكل السفره كامله بعد ماحطينا كل الاطباق بتاعت الضيوف بالشكل ال فات
شوفتوا شكلها حلو ازاى
بجد شكلها رئع قبل ما نحط الاكل ما بالكم بقى و حطين الاكل كمان هيبقى شكلها اكيد تحفه وهتبهر ضيوفك جدا
وده شكل كمان للسفره كامله من فوق علشان نشوف شكلها كويس
ودى شكل السفره بعد ما حطينا السرافيس بتاعت الاكل وحطيناهم فى النصف
حطيت طبق السلطه وسرفيس للحوم وسرافيس للطباق الجانبيه والشوربه وطبعا مننساش الملاحات وكمان شفشق المايه نحطه فى جانب السفره وكمان طبق العيش
شفتوا شكلها رائع ازاى
ايه رايكم بقى ..دى كانت بالنسبه لعزومه اللحوم وبجد شكل السفره كان يجنن
وهاتشوفوا دلوقتى ازاى ننسق عزومه للاسماك يارب تعجبكم
مواضيع هذا القسم برعاية
noor910 noor910 110333_2.gif فتكات ست الكل Fatakat 110333 قلب زوجى وابنى حبيبى – مملكتى