ازيكو يا بنات
عاملين ايه فى الاوضاع دى
انا عارفه انك هتقولو انكو فى وادى وانا فى وادى تانى خالص
بس لا طبعا
كلنا حالتنا النفسيه تحت الصفر عشان مصر
بس الحياه لازم تمشى وكلنا بناكل ع الاقل عشان نعيش
اولا
كلنا ندعى لمصر
يارب احفظ مصر والمصريين
مسلمين ومسيحين
امين يا رب العالمين
انا عملت الفطيره دى من كام يوم فى نص الليل عشان كده سميت الموضوع بالاسم ده
بس لاسف ماكنش فى نيتى انى اصور
فالخطوه الاولانيه بتاعه عجن العجينه مش موجوده هنا
بس هى بسيطه جدا وانا عملتهالكو قبل كده فى الموضوع ده
الفطير المشلتت وصل لولى لى لى لى لى (سنوات الضياع 2 )
المقادير
دقيق
ملح
سكر
ميه
زيت
بس كده
وادى العجينه اهه انا قطعتها وكورتها وسيبتها ترتاح ساعه او اكتر وغطيتها بكيس بلاستيك عشان متنشفش ولا تشقق
الخطوه دى براحتك وحسب وقتك
وطبعا كل ما بتسيبيه اكتر كل ما يرتاح اكتر ويتفرد معاكى بسهوله اكتر
وادى الكور اهه بعد ما خمرت ماشاء الله
هنا بقى ابتديت افرده
وطبعا بين كل خطوه والتانيه بدهن الوش بزبده
ويستحسن زبده لان السمنه بتنشفه فى الاخر
وهنا طبعا انا هبتدى الم الاطراف على بعضها
لحد ما خلصت اول كوره اهه
وبعدين بركنها على جنب
وافرد كوره تانيه جدا لحد ما تبقى شفافه تحت ايدك
وقومت حطه جواها اللى لسه لافاها من شويه اهه
وبرضه هنا هبتدى المها من كل الجوانب
اهه
وطبعا اى زيادات بشيلها
ومتنسوش تدهنوا زيده فى كل خطوه
وهنا هعمل نفس الموضوع للمره التالته
واهه اتلفت هى كمان اهه
وعملت الرابعه والخامسه بنفس الطريقه
لحد ما خلصت خالص وبقت بالشكل ده
وبعدين سيبتها ترتاح تانى عشان افردها فى الصنيه وتتفرد معايا بسهوله
شوفتو ما شاء الله مبقلله ازاى
وبعدين دخلتها فى فرن سخن جداااااااا
لمده نص ساعه
ودى اول ما خرجت من الفرن
ورشيت عليها رشه ميه بالبخاخه عشان تفضل طريه
وحطيتها فى كيس
وقطعتها بعد ساعه تقريبا على ما بردت شويه
اهه
واهه كمان يارب تعجبكم
طعمها كان تحفه والله يا بنات
وكانت مورقه من جوه ما شاء الله
يارب تعجبكم وتقيمونى
مع الف سلامه يا بنات
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر