السلام عليكم ورحمة الله وبركاته
فتوكاتي حبيباتي واحشني جدااااا
انهرده عملت فراخ كنتاكي بطريقه مختلفه مع الارز والبطاطس
واستفدت بكل مكونات الي في الاكله من غير ما ترمي حاجه وطبعا هقولكم ازاي
الاول الفراخ الكنتاكي
المقادير
فرخه ومقطعه 8 قطع الكبد والقوانص بقطعها وعلي جنب لوحدها
دقيق دره
بقسماط مطحون او سبايسي او فيجيتار او ممكن تستغني عن التلاته( وتحطي معلقه فلفل علي كمون علي نص معلقه صغيره ملح
حبة طماطم وسط
حبة بصل وسط
4 فصوص ثوم
عودين كسبره خضرا وكرفس
الطريقه
هتغسلي الفراخ كويس
وهتجيبي الطماطم والبصل والتوم وعلي الخلاط
اثناء الخلط هتحطي عودين الكرفس والكسبره الخضرا وهتلاقي ان الخلاط عمال بيدور علي الفاضي كده يبقي انتي تمااااااام وماشيه مظبوط هتعملي ايه بقي
هتضيفي كوبايه الا ربع مايه وتسيبي الخلاط شغال لحد ما ينعم
وبعدين هتجيبي مصفاه تصفي المايه لوحدها وتحطيها في طبق غويط والبصل هتبلي بيه الفراخ وعلي التلاجه لمده ساعه
وهنا مايه البصل في الطبق والفراخ بالبصل متبلين في طبق لوحده
بتجيبي بقي الطبق الي فيه مايه البصل وتحطي عليه بضايه واحده فقط
انا هنا فقشت البضا بس طلعو توأم
وحطيت التوابل فلفل ملح كمون شعره نعناع وهنا ممكن تضيفي التوابل الي تحبيها بس بلاش الحاجات النفاذه زي الجنزبيل القرفه القرنفل خلي الاكله توابلها بسيطه
وطبعا بتقلبي كويس
بعد كده بتحضري طبق وتحطي فيه دقيق الدره وده اساسي في الوصفه وتضيفي عليه التوابل الي تحبيها او تحطي كيس اسبايسي او فيجيتار
انا هنا حطيت حبة بقسماط مطحون قولت استفيد بيهم لان عمره مش بيبقي كبير
بعد ما بتعدي الساعه بتطلعي الفرخه وتشيلي منها البصل في طبق ومش ترميه وهتلاقيه لسه في البصل شويه مايه يعني لو عصرتيه هيطلع شويه مايه بصل صغيره بتحطي البصل ده علي الكبد والقوانص وتخليهم علي جنب ومايه البصل دي بتحطبها لوحدها علي جنب
وهنا الفراخ بعد ما نزلت من عليها البصل والمايه الي طلعت منها ومتقلقيش اللون ده من الطماطم الي حطناها في الاول
بتبلي الفراخ في الدقيق بتاع الدره كويس وعلي طاسة زيت غويط وتقلي بس علي نار وسط مش عاليه
وديالفراخ بعد ما نلتها في الدقيق
وفي اثناء ما بتقلي الفراخ
هنعمل الارز
المقادير
2 كوب ارز
معلقه زبده كبيره وممكن اضافه زيت عليها
نص كوبايه لبن
شوربه ان وجد او ماية عاديه
الطريقه
هتسيحي الزبده كويس بس اوعي تسبيها تتحرق وهتضيفي الارز فورا وعليه المايه(وهنا هتحطي ماية البصل كمان الي احنا كنا عايننها في الاول ) مع اللبن بمقدار1:2
يعني المايه ضعف اللبن بس اعملي حساب ان مقدار المايه يكون داخل فيها ماية البصل
وتسوي علي النار ودي الارز علي النار
بتقفلي وتسبيه وعينك عليه علشان مش يتلسع من تحت وممكن تحطيله البتاعه دي الي بتتحط تحت الارز مش عارفه ايه
وده الارز بعد ما استوي مقولكوش علي ريحته اللبن مع التتبيله بتاعت البصل يااااااااااااااااااه روعه ونكهة اللبن فيه تجنن وكان مفرفر وابيض وجميل اوي
فااااااااضل الكبد والقوانص طبعا انتي بتكوني حطيتي عليها البصل الي كان علي الفراخ بس نسيت اصوره
ودي الكبد القوانص وهي متقطعه
علي حته زبده صغيره وهتحطيها علي النار بس متغرقيهاش زبده حته صغنونه علشان بس مش تلزق وتدي نكهه حلوه وتحطي طبعا التوابل عليها بس خفيف فلفل كمون فقط
وبعد ما الارز يستوي يكون الكبد والقوانص استويت هتخدي الكبد والقوانص تحطيهم علي الارز وتقلبي
وهيبقي كده ودوقي النكهه والريحه روعه والله والبصل المحمر في الارز جميل
كده عملنا الارز وعليه الكبد والقوانص
وقلينا الفراخ
فااااااضل الصور النهائيه الفراخ طلعت مقرمشه ولذيذه ونكهة البصل واتتبيله فيها جميييييله
وكنت قليت بطاطس كمان ولو عايزه البطاطس تبقي نكهتها حلوه افرمي فصين توم وشويه فلفل وملح
وحطيهم عليها وادعيلي
والرز طلع مفلفل وطفم الكبد والقوانص بالبصل فيه جميله
ودي صوره مجمعه قبل التقديم وهو ساااااخن
انا كده خلاويص
يارب تكونو استفدتو يكون الاكل عجيكم
ولو اوكيه قيمي
وارفي الموضوع بدعوه حلوه زيكم
بحبكم في الله
في امان الله مواضيع هذا القسم برعاية
ولادي زهور حياتي ولادي زهور حياتي 597594_5.gif فتكات ست الكل Fatakat 597594 القاهره – مصر