حبايبى الحلوين المقطقطين جايبه لكم وصفتين حلوين ذيكم
عشان كلنا زهقنا من الطبيخ واتباعه..حاجه كده خفيفه وحلوه
ندخل على الفراخ ونقول بسم الله
فراخ بانيه متبله بالبصل والفلفل الاسود واليمون والملح
ومنقوعه فى التتبيله يوم فى التلاجه بتكون افضل كتيير
ومكونات القلى
دقيق عليه معلقه نشا ولعشاق الحامى ضيفى عليه
شطه وفلفل اسود وقلبيه كويس اوى
وبيض عليه ملح وفلفل
بقسماط مطحون
ودى المكونات
ودى الفراخ بعد التتبيل نحطها فى الدقيق اللى فيه النشا وبعدين فى البيض وبعدها البقسماط
كرسبى وجنااااااان والطعم حكااااااااااايه
انا بعمل نوعين نوع سبايسى ليا وزوجى ونوع عادى لاولادى
وووووووووووووووووووووونيجى للجلاش
خفيف وهاااايل ومفيهوش غير معلقه سمنه وااحده وبس ومن جوه طرى وهاايل
مكوناته
لفه جلاش ولبن ومعلقه سمن بسطرمه جبن شيدر او متزريلا وزتون متقطع فلفل رومى طماطمايه
نجيب صينيه وندهنها ونرص الجلاش وكل راقين نسقى باللبن
انا مش بحط سمن غير على وش الصينيه وبتكون اخف واحلى واللبن بيطريها جدا
ونيجى فى نص الجلاش ونحط البسطرمه الاول وبعدين باقى المكونات
ونكمل لحد مانخلصها.
متقطعهاش دلوقتى عشان متتفرفتش منك استنى لما تحطيها فى الفرن بعدها ب5 دقايق
طلعيها وقطعيها حتلاقى سهوله فى التقطيع وبتكون شكلها احلى والطريقه دى اكتشفتها بالصدفه كل مره كانت بتغلبنى فى تقطعها ومره نسيت اقطعها ودخلتها الفرن وبعد شويه افتكرت روحت مطلعاها ووجدت سهوله فى التقطيع ومن ساعتها
وانا بقطعها بعد لما تدخل الفرن ب 5 دقايق
ايه رايكم اكله خفيفه وكلنا بنحبوها
فى رعايه الله واتمنى تعجبكم
وال………..عارفين كل حاجه
متنسوش
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره