بســـــــــــــــم الله الرحمـــــــــــــــــــن الرحيـــــــــــــــــــــــــــم
ازيكم ياحلى فتوكـــات عاملين ايه ,يارب تكونوا حلوين
ندخل فى الموضوع انا كنت عاملة فراخ التكا والعيش البورى اللى بيتقلى عملته كمان وماتخفافوش العيش ده مش بيشرب زيت نهائى وحبيت اشاركم وصفتى النهاردة يارب تعجبكم
دى صورة الطبق فى النهاية و يارب يعجبكم وماتنسوش التقييم
ندخل مع بعض على المطبخ ونقول بســــــــــــــــــــــم الله
هنتبل الفراخ اقل حاجة اربع ساعات ويفضل تركها فى التتبيلة ليلة كاملة ,هنتبلها بـــــــــــــــ
8 فصوص توم
معلقة جنزبيل بودرة – ملح – فلفل اسمر – ربع معلقة سكر
معلقة ونصف كارى – معلقة ونصف كركم – معلقة زعتر
معلقتين كبار صلصة – كاتشب
نصف ليمونه مع معلقة كبيرة خل
زيت زيتون
لبن رايب (500 ملل) وممكن بداله الرايب زبادى بس هنقلبه كويس قبل مانضيفه للتبيله
ملحوظة المقادير دى لعدد 2 دجاجة
هنجيب الفراخ و ممكن نشيل الجلد لو مش عايزاه ,ونشقها بالسكينة كذا شق ونتبلها بالمكونات ونغلفها ونتركها فى التلاجة
نيجى بقى للتسوية
على شبكة الفرن وممكن تغليفى كل فرع من الشبكة بالفويل زى ماعملت عشان مايتبهدلش ,و تحطى الفراخ على الشبكة بالمنظر ده
ملحوظة الفرن لازم يبقى سخن
نيجى بقى للصنية بتاعة الفرن نحطها تحت الشبكة ونولع فيها فحمه وندخنها بالزيت او السمنه ولما تتطفى الفحمة نولع غيرها
كمان انا عملت ايه عشان الفراخ تفضل طرية
فى الصينية دى وضعت باقية التتبيلة ومياه وكل ما المياه تقل ازود مياه عشان البخار بتاع المياه مع التتبيلة يسوى الفراخ اسرع وكمان ماتنشفش
وكمان كل ربع ساعة اقلب الفراخ من ناحية للتانية
وبعد لما الفراخ استوت رحت وضعت فحم جنبها وغطيتها بس يديها طعم الدخنة الحلوه ،
ممكن تاخدى الفارخ لما تستوى فى صنية وتحطى الفحمة وتقفلى عليها كويس عشان كل طعم الفحم يدخل فيها
ده شكلها لما استوت
العيش البورى سهل جدا و مش بيشرب زيت بس يفضل تقديمه سخن
المقادير
2 كوب دقيق
ملح – معلقة صغيرة بيكنج بودر
زيت – مياه للعجن
ده بعد ماعجنها ونسيبها ترتاح حوالى ساعة وبعدين نقسمها كور ونغطيها ونسيبها ترتاح كمان ساعة او اكتر كل ماترتاح كل ماهتبقى حلوة
ملحوظة بقى كمان يفضل انك تقلبى المكونات الجافة مع بعض كويس قبل ماتضيفى الزيت والمياه
وبعد كده نفردها دواير بعد مارتاحت
فى زيت سخن جدا وغزير جدا نقليها ولما تتحمر او تاخد اللون الدهبى الجميل من ناحية نقلبها فورا على الناحية التانية
وهتلاحظوا ان العيش بيتنفخ كده وبيتحمر بسرعة يعنى يفضل نكون فردنا كل العجينة عشان بسرعة هيتحمر العيش وكمان ممكن نجيب قطعة عجينة صغيرة ونعمل اختبار للزيت اذا كان سخن كفاية ولا لسه
وده شكله لما خلص
مقادير التومية
بطاطس مسلوقة جامد
حوالى معلقتين كبار مايونيز – توم – ملح – ذرة سكر – زيت زيتون – نص ليمونه
لبن رايب حسب ماتحبى سمكها
هنضرب كل المكونات دول مع بعض فى الخلاط بس كده
ونشوف بقى الشكل النهائى للطبق
وبس كده خلصت يارب يعجبكن الموضوع وطالبة منكم دعوة
بصلاح الحال وهداية الحال يارب
وماتنسوش التقييم ياقمرات, لانى بزعل من الناس اللى بتتفرج وتمشى
تطبيق أحد العضوات للوصفة
===========
المشاركة الأصلية كتبت بواسطة angel_baby 
تحححححححفة الفراخ تسلمي جدااااااا ربنا يباركلك
مواضيع هذا القسم برعاية
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة