السلام عليكم ورحمة الله وبركاته
عملت النهاردة فخدة الرومي بالتتبيلة السرية
الخطيرة بتاعتي
بعد ما غسلت فخدة الرومي باللمون والملح كويس
تبلتها بالملح ومعلقة خل وكوباية زبادي
ومعلقة بابريك وفلفل اسمر وجنزبيل
وتوم مفروم وسبتها 4ساعات في التلاجة
بعد كده دخلتها الفرن لمدة ساعة ونص لكن لازم تغطيها
وممكن تلفيها بالسلوفان
وبعد ما تستوي تشيلي عنها الغطا وتحطيها تحت الشواية
لمده 10دقايق او لحد ما تتحمر
ودا كان شكلها
عملت معاها طاجن رزبالصلصة انما ايه روووووووعه
شوفو يا قمرات غسلت الرز وسبته يخمر ساعتين
وبعدين قطعت بطاطس مربعات صغيرة
وبصلة طرنشات وزيت
وكوباية صلصه وكوبايه ونص ميه مغلية سخنة يعني
وقلبت كل ده مع بعض كويس مع البهارات
وسبتهم لحد ما بدا يغلي وبعدين هديت النار على الاخر
لحد ما الرز استوى وبعدين دخلته الفرن تحت الشواية لحد
ما وشه اتحمر
وادي الصور
وعملت كمان سلطة البطاطس الالمانية اللذيذة
بحبها جدا وممكن اكلها كل يوم
وهي بتتعمل من البطاطس المسلوقة ومتقطعه شرايح وبيض مسلوق ومتقطع شرايح وخيار وبصل متقطعين قطع صغيرة
بعد ما نخلطهم مع بعض كويس نحط عليهم معلقتين كبار مايونيزة
ومعلقه صغير ة سكر ورشة ملح ومعلقه صغيرة خل
ونسيبها ساعتين في التلاجة وطعمها يجنن
يارب يا فتوكات يعجبوكم مواضيع هذا القسم برعاية
om rana2017 om rana2017 فتكات غالية قوي Fatakat 166849 بعيد عن مصر – الغربة