طبعا بعد الف تحية لكل الفتوكاااااااااااات القمرات
وبعد التمنى ان الكل بالف صحة وخير
حابة اتكلم فى الموضوع ده عن شئ
وهو الســـــــــــــــــــــــــــــــــــــــــــــــ ـــــوق
وبخص اكتر الستات الجهله بامور السوق وطبعا اول القافله
اختكم ام تى تى
ومن غير ما اطول عليكم وعليا باختصار شديد
انا حابه ان كل واحده عندها خبره فى السوق وامور اختيار او التنقيه بالبلدى كده اتمنى تشرفنا هنا وتقولنا نصائحها ايه فى الشراء
لانى بصراحه بتكسف اشترى لاى حد حاجه فيعيب عليا
انا متجوزه من سنه ونص ويعتبر مستجده بس بردوا بحاول
لما انزل السوق اتعرف او ابقى شاطره فى الشراء وبحاول وبجتهد وقولت اكتر مكان ممكن استفيد منوا ومن غير تفكير هو فتكات فى الموضوع ده
عشان اوضح اكتر عايزه كل فتوكه شطوره فى السوق
تدخل تقولنا بتشترى مثلا الكرنبه ازاى سمعت ناس بتقول تبقى مش مليانه من جوه لا تبقى هشه شويه ومعرفش الموضوع ده صح ولا لا
كمان مثلا البتنجان مش بعرف انقيه خالص
وكمان البطاطس ماكنتش اعرف انى فيه حاجه اسمها بطاطس بودرة والتانيه اللى بتبقى عليها طينه دى احلى وهكذا
وكمان الفلفل الرومى مثلا بيبقى فيه فاتح وفيه غامق طيب انى افضل ولماذا
وكمان الكوسه الكبيره اسمع انها مره ومكتوب عندى فى كتاب كده ان الصغيره افضل وانا بفضل الصغيره بردوا
و ايه افضل حاجه ممكن اتعرف عليها فى تنقية الخضره عشان اعرف انها طازه ولا لا
يعنى من الاخر عايزين يبقى الموضوع ده دليلنا فى نزولة الاسواق
واتمنى كل واحده زى حلاتى تدخل وندور على مرشداتنا فى فتكات وناديهم عشان يفيدونا بخبراتهم
مواضيع هذا القسم برعاية
om Tete om Tete 28103_3.gif سوبر فتكات Fatakat 28103 حضن تى تى – حبيبة ماما