السلام عليكم ورحمه الله وبركاته
ازيكم يا فتوكات الغداء النهاردة عملت حواوشى وبطاطس محمره
المقادير
نصف كيلو لحمه مفرومه
بصليه كبيرة
فلفل رومى حسب الرغبه وممكن حامى لو بتحبى بس انا ما حطتيش عشان عيالى
وطماطم مقطعه مكعبات بردوه حسب الرغبه
عيش بلدى وممكن تعمليه اسكندرنى اللى هو العجينه
انا شوفتها مع الشيف فى قناة الحياة وقومت عملتها
ودى الخلطه عبارة عن اللحمه مع البصل والطاطم والفلفل الرومى وملح وفلفل وبهارات حسب رغبتك معلش اصلى كان اخر رغيف فالخلطه قلت
[IMG]p://files2.fatakat.com/2016/4/13352762025118.jpg[/IMG]
ادهنها بزيت خفيف من جواه العيش
ادهن العيش بردوه من فوق طبقه خفيفه بردوه
وادى غدانا مع البطاطس المحمرة وممكن جنمبى طحينه اولادى كانوا جعانين فما لحقتش اعمل
وادى واحد تانى للجعانه ولسه ما تغدتيش
ملوحظه ممكن ان عايزة تلفى العيش فى ورق زبدة ان حبيتى
انا بسويه كدة واحطه فى شنطه نلويون وبيبقى طرى
وبالهنا والشفا
وما تنسوش دعواتكم لامى ولزوجى وللوالدى ولى بالشفا
اللهم اشفيهم واشفى مرضنا ومرضى المسلمين اجمعين
اميييين مواضيع هذا القسم برعاية
المغرمه بحب الله المغرمه بحب الله سوبر فتكات Fatakat 282053 القاهرة – مصر