السلام عليكم يا احلى صحبة
انا جديدة لسة فى المدونة وعشان انا بعشق حاجة اسمها طبخ ررت اول موضوع ليا يكون هنا
وطبعا مصدقت كملت ال 30 مشاركة عشان اعرف اعمل موضوع
بصوا بقى انا بكرة عندى عزومة لاهل جوزى وهنبقى 8 افراد
وبعد تفحيص وتمحيص فى كل مواضيع العزومات هنا فى المدونة
قررت المنيو يبقى كالاتى :
اولا اللحوم —-> فراخ مسلوقة ومتبلة ومشوية ( يعنى بسلق الفرخة وبطلعها من الشوربة احطها فى تتبيلة من بصل وتوم مفرومين وملح وفلفل اسمر وبابريكا وزعتر وزنجبيل وقرفة وملعقة صلصة وابيتها فى التلاجة وعلى التحضير ادخلها الفرن تتشوى ) هتقولولى لية سلقتيها هقولوكو عشان عاوزة شوربتها فى المحشى والشوربة يا حلوين
تانى طبق فى اللحوم رول اللحمة المفرومة ( ودا بجيب نص مفرو مع بصلاية متوسطة عشان طعم البصل ميبانش اوى فيها ومعلقتين بقسمات وبهارات ملح وفلفل وبهارات لحمة وعلى الفود بروسيسور تنعم اوى والفها رول فى فويل احطها فى مية بتغلى تلت ساعه واطلعها افكها من الفويل وعلى الفرن تتشوى واحرق فحمة واحطها معاها فى الصينية وعليها شوية زيت هتلاقو طعمهاا مشوية وواااااااااااااااااااو )
ثانيا النشويات——> محشى ورق عنب وطبعا كلنا عارفينة وبتعملوة احسن منى
محشى باذنجان – جلاش باللحمة المفرومة _ بطاطس مقورة ومحشية لحمة مفرومة
( بور بطاطس اى كمية تحبيها واقليها فى شوية زييت تحمر اطلعها على ورق نشاف
واحشيها لحمة معصجة وممكن اى حشوة تحبيها وارصها فى صينية عليها صلصة وعلى الفرن )
ثالثا السلطات والمقبلات —–> سلطة زبادى بالخيار ( كوبايتين زبادى – معلقتين كبار مايونيز – خيار مبشور – واخلطيهم ببعض ودوقى احلى سلطة زبادى بالخيار )
سلطة خضرا بفكر اعملها فتوش
كانيلونى بالشاورماا ( العجينة : كوبايتبن دقيق – كوبايتين لبن – 3 بيضات – رشة ملح بتعايرى بفنجان عشان يطلعو نفس المقتس وتسخنى طاسة كويس اووى وتحطى فى العجينة وتلفى الطاسة عشان تفرد فيها كلها واما تستوى من تحت اقلبيها فى طاسة تانية سخنة برضة … الحشوة عبارة عن فيلية لحم مقطع شرايح رفيعه واشوحهم فى الزيت وانزل عليهم ببصل جوليان وفلفل الوان وبهارابت واحشى بيهاا الكانيلونى ورصى فى صينية ورشى عليها جبنة موتزريلا ااو رومى اى حاجة وحطيها دقيقة فى الفرن وجربى وقوليلى الطعم )
رابعا الشوربة —> شوربة لسان عصفور
وملوخية ناشفة
خامسا المخللات —–> مخلل طماطم وباذنجان ( نقلى الباذنجان الطويل ونفتحه بالطول والطماطم نفتحه بالسكينة فتحات عرضية ةنحشيهم بالتتبيلة دى توم وبصل وطماطم وبقدونس وفلفل رومى وحار وليمون وخل وملح وفلفل وكمون)
انا كدا خلصت اية رأيكم فى المنيوو
استنونى مع الصور بس الاول قيمونى وشجعونى
وكل سنة وانتو طيبين ورمضان كريم
مواضيع هذا القسم برعاية
قمر الليالى الدافئ قمر الليالى الدافئ 984481_4.gif فتكات هايلة Fatakat 984481 القاهرة – مصر
سبحان الله و بحمده