السلام عليكم ورحمة الله وبركاته
النهارده عندى ليكوا وصفه سهله وجميله و لذيذه فى نفس ذات الوقت
كتير بيبقى عندنا فراخ مسلوقه ومش عارفين نعمل بيها ايه
كانت عندنا من يوم مثلا وزهئتى وعايزه تقدميها بطريقه جديده
نعمل ايه
الاول انا بحب لما اسلق الفراخ ادلعها 
يعنى بحب التوابل و الحبهان و القرنفل و ورق اللورو والفلفل الاسود و الكمون
كل ده بيدى للشوربه طعم جميل
وطبعا بصلايه و جزرايه
كده بقى عندنا فراخ مسلوقه حطيها على جمب تبرد
او لو كانت بايته عندك هيبقى الموضوع اسهل و اسرع
نجيب طماطمايتين
و بصلايه و فص توم
الاول هنقطع البصلايه وفص التوم و نشوحهم فى شوية زيت على نار هاديه
وبعدين انزلى بالطماطم المقطعه
ايه بقى اللى هديكى الطعم الجديد
تحطى شويه خضره ايوه من بتاعة المحشى اكيد كلكوا عارفينها
شبت ..بقدونس ..كسبره خضرا
و تقطعيهم ناعم جدا و تحطيهم على الطماطم وهى على النار
وتحطى طبعا شوية ملح و التوابل اللى تحبيها
لحد ما الخليط كله تحسى انه اتسبك
ناخد الخليط الجميل ده و نضيفه على الفراخ المسلوقه
و تقلبى كويس
و تسيبيهم ياخدوا و يدوا مع بعض فى الكلام شويه
يعنى حوالى ساعه
علشان الفراخ تشرب الخلطه دى كويس اوى
وبعدين تجيبى صينيه فيها شوية زيت صغنوووووووووونين
و ترصى بقى الفراخ المسلوقه بالخلطه بتاعتها الجميله دى
و تحطيها فى الفرن و تشغلى الشوايه
هياخدوا وشششششش جميل
و هتلاقى طعم الفراخ بجد راااااااائع و مختلف
اعمليها جمب مكرونه او رز بسمتى
ايه رأيكوا بقى يا كتاكيتى 
اوعوا حد يكسفنى
وتخرجى من غير ما تردى و تقيمى يا قمرايتى
شجعونى بقى علشان اجيبلكوا اختراعاتى الاخرى باذن الله
بحبكوااااااااااااا كلكوااااااااااااااااااا
فى امان الله يا حبيباتى
مواضيع هذا القسم برعاية
طوفى الفراشة البيضاء طوفى الفراشة البيضاء 465998_37.gif ♥كايده العزال انامن يومى♥ Fatakat 465998 *♥ فى مدينة احلامى ♥* – طنط مصر حبيبتشى