بما اني اول مرة ادخل منتدي الطبخ هنا قولت طبعا طالما هيبقي اول موضوع لي يبقي جديد يارب يبقي حلو ولذيذ ان شاء الله
وهي اكلة ايطالي اسمها
Chicken Parmigiana
من غيرضرب هقول معناها وبلاش شتيمة علشان عيب
يعنى فراخ بالجبنة البرميجان
وبما اني مش عاملاها بالجبنة البرميجان يبقي اسمعي الفراخ بالجبنة الموتزريللا ههههههه
ونعمل معاها شوية مكرونة عشان نكمل الوجبة وطبعا عشان نشبع وللا هناكلها قرديحي !!!
نبدأ
يلا
المقادير
فراخ بانية
دقيق
1/2 كوب جبنة او أي نوع جبنة زي مانا عملت كدة مثلا بالموتزريللا او زي ما تحبي
ملح
فلفل
زيت زيتون
زبدة
1/2أي نوع مكرونة (وانا النهاردة عملتلكو نوعين )مهيصاكو اهو
1/4 كوب كريمة لبانى
صلصة طماطم
توم مفروم
ريحان
توابل لحمة او بهارات زي مانحب نضيفها وممكن كمان بمية بصل ولمون
نيجي بقي للمهم
الطريقة
بنضيف التوابل الجافة الدقيق والملح وتوابل الفراخ
ونتبل الفراخ ونحطها فكيس ونقفلة كويس ونسيبة ساعة او ساعتين دي الطريقة المضمونة للتبيلة
بعدكدة بنجهز الفراخ نجيب الطاسة ونحط فيها الزبدة
وبعد كدة الفراخ علىالوشين لحد لما تستوى وتتحمر4-5دقايق (ممكن نشيلها وندخلهاالفرن تكمل سوى)
وبعد كدة نرش عليها الجبنة ورشة الريحان المفروم
نيجي بقي لتحضير المكرونة
وبعد كدة نحط عليه الصلصة لحد ما تتسبك وفالاخر نضيف الكريمة اللباني والتوابل والملح والفلفل
وطبعا نكون سلقنا المكرونة
الصورة دي جبتها من النت لاني نسيت اصورها
ودة الشكل النهائي وبالهنا والشفا
استنوني لسة مخلصتش
باقي الموضوع فصفحة 2
مواضيع هذا القسم برعاية
روزي222 روزي222 289427_16.gif سوبر فتكات Fatakat 289427 في ارض الله – مصر