بسم الله الرحمن الرحيم
ازيكم يا بنات عاملين ايه
يارب تكونوا بألف خير
جه على بالي اعمل مكرونه بالباشميل
وقمت شمرت واستعديت
ولقيت ان عندي حبه لحمه صغيرين
ونص كيس خضار مشكل ((جزر , بسله , فاصوليا))
و4 صوابع سوسيس
قلت خلاص نعمل كوكتيل من كل ده ونعمل بيه المكرونه
وطلعت حته صنيه ممممممممممممم
**يلا نشوف**
المطلوب:
كيس مكرونه مسلوقه
للحشو:
هنشوح بصله وفلفله رومي لحد ما تصفر
وبعدين نحط شويه اللحمه ونقلبهم شويه
وبعدين نحط الخضار ونقلبهم شويه
وبعدين السوسيس المقطع ونقلب
لحد ما يستوا كلهم ونضيف
معلقه كاتشب + معلقه مسترده + معلقه صلصه
ورشه ملح وفلفل وكسبره و اوريجانو ((زعتر البري))
((احيانا بحط كمان شويه دره صفرا حلوه ))((بتبقى تحفه))
ونطفي بالشكل ده
للباشميل:
خليط زبده او سمنه + زيت
ونحط عليهم 8 معالق دقيق كبار
وهيبقى بالشكل ده (( شبه الطحينه))
عشان لا يكلكع ولا يبوظ منك
ونحط عليه من لتر الى لتر ونص لبن
اللي يحبه تقيل هيحط لتر
واللي يحبه نص نص يحط لتر ونص لبن
ورشه ملح ورشه فلفل ونقلب
لحد ما يوصل للسمك
المطلووووووووووب (( انا بحبه خفيف ))
انا بحب اضيف عليه (( معلقه كبيره جبنه سائله))
ومكعب كيري او 2 مثلثات و قطعه جبنه شيدر
او موزاريلا
من الآ خر بحب افتري
في الباشميل هههههه
بندأ بقه الشغل:
نجيب الصنيه ونحط كميه من الباشميل في القعر
((عشان المكرونه ما تلزقش منك))
ونقوم حاطين نص المكرونه ونرش عليها شويه بشاميل
وبعدين نحط الحشووووووووووووه
الخطيييييييييره ونرش شويه جبنه موزاريلا
وبعدين النص التاني من المكرونه ورشه جبنه
وبعدين الباشميل اخيرااااااااااااااااا
وتدخل الفرن ساعه تقريبا
لحد ما الجناب تبدأ تتحمر
اولع عليها من فوق لحد الوش يتحمر كده
وده منظر تاني مممممممم
وتقدم:
وده شكلها من جوااااااااااا
يجووووووووووووووووووع بجد
ها ايه رأيكم سهله اوي
وكل المكونات فيها لحوم وخضار ونشويات
يا رب تكون عجبتكم ونالت رضاكم
اشوفكم على خييييييييييير مواضيع هذا القسم برعاية
روبي صلاح الدين روبي صلاح الدين 100206_1.gif فتكات ست الكل Fatakat 100206 جده – السعوديه