ازيكو يا بنات عامليه ايه
انا النهارده جيبالكم اكله ظريفه جدا وكلنا بنموووووووووت فيها
الا وهى
(( التورلى ))
هههههههههه
هى اكله بسيطه جدا
بس فى ناس كتير بيشوفوها صعبه لانها بتحتاج لكل انواع الخضار اللى فى السوق هههههههههههه
طيب يلا ندخل على المكونات والمقادير
المقادير بالذات يا بنات بتبقى حاجه براحتك انتى
يعنى تقللى او تزودى فيها براحتك انتى اوحسب ذوقك انتى
وذوقك اسرتك طبعا
المكونات اللى انا عملت بيها
لحمه طبعا
بطاطس
كوسه
جزر
طماطم
بتنجان
فص توم
بصل
فلفل
معلقتين صلصه او كوبايه عصير طماطم
وكللللللللللل الخضار هنقطعه كبير يا جماعه
ده اساس التورلى الصح
اوك لحد كده
طب يلا بقى ندخل على الطريقه
اول حاجه انا جيبت اللحمه بتاعتى وقعدت اشوح فيها اهه
وبعدين فضلت وراها وكل شويه ازودها نص كوبايه ميه بنص كوبايه لحد ما تقريبا استوت
او بمعنى اصح يبقى فاضل على اكتمال تسويتها حوالى ربع ساعه اللى هو وقت النضج بتاع الخضار
لانك لو حطيتى الخضار يستوى معاها من الاول ولا حتى من نص تسويتها
هتلاقى الخضار بقى بسيسه فى الاخر هههههههههههه
والاخر هتلاقى نفسك بتاكلى عصير تورلى ههههههههههههههه
ادى اخر مرحله وصلت لها اللحمه قبل تمام السوا بربع ساعه فقط لا غير
خليكوا فاكرين
هبتدى بقى اضيف الخضار نوع نوع
ونبدا طبعا باللى بياخد وقت اكتر فى السوا
انا بدات بالبصل والجزر
وخليتهم ياخدوا تشويحه مع اللحمه عشان ياخدوا من ريحتها وطعمها طبعا
اهم
وبعد الخطوه دى علطول نزلت بالبطاطس وفصين التوم لانهم تقريبا بياخدوا نفس وقت السوا
وشوفو مقطعاها كبيره ازاى ؟
اهه وهى بتاخد لفه مع اللحمه هههههههههههه
وهنا حطيت الصلصه او لو انتى حابه تحطى عصير طماطم براحتك
بس انا اكتفيت بالصلصه بس
لان انا مقطعه طماطم فى نهايه الاكله هتشوفها ان شاءالله
بس اصبروا على رزقكم هههههههههههههههه
وبعدين قطعت قرنين فلفل واحد طويل وواحد رومى او مكبب حسب ما بتسموه بقى ههههههههههه
واخرررررررر حاجه بقى نزلت بيها هى الكوسه
الطف الكائنات ههههههههههه
قصدى الطف الخضروات هههههههههههه
لانها بتستوى بسرعه جداااااااااااااااا
وبعدين قطعت طماطميتين تقطيع كبير برضه وحطيتها معاهم
ومتخافيش الطماطم هتدبل خالص فى الاخر وهوريهالك فى الشكل النهائى للطبق ان شاء الله
وجيب بتنجانيه صغنونه كده
وقطعتها كبير برضه
ونزلتها ورا الكوسه علطووووووووووووول لانه هو كمان مبياخدش وقت فى السوا
كده الاكله خلصت باذن الله
ومش قادره اوصفلكو طعامتها وحلاوتها
بجد كانت روعععععععععه
ولا احتاجنا ندخلها فرن ولا حتى ندخلها عش الزوجيه هههههههههههه
اتفضلوا معايا بقى
لو الاكله عجبتكم
قيمونى
ولو لا قدر الله معجبتكوش فى الحاله دى بقى
تقيمونى برضه ههههههههههههههههههههه
سلالالالالالالالالالام يا بنات
بحبكم فى الله
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر