مساء الفل
ياااااااااااااه زي ما اكون تعبان وارتحت
ههههههههههه
انا كانت اعصابي مشدودة اوووي من كتر الحيرة اللي انا فيها
ولما قولتلكوا اني 50% هولد طبيعي او هولد قيصري
ودا لاني مكنتش اعرف انا فين فالتاسع بالظبط
بس النهارده بقي عملت الاشعة مقدرتش استني ليوم الثلاثاء بصراحه
لان الدكتوره طالبة مني السهل الممتنع وخصوصا من اخر زياره يوم الاربعاء
لما طلبت مني نصبر اسبوع ودا بناءا علي العياط اللي عملته لما كنت
فاكره انها هتولدني قيصري
وادتني مهلة اسبوع بس وزن البيبي ميزدش علشان
نسبة الولاده الطبيعي تكون اكبر وكمان يمكن يحترم نفسه وينزل الحوض
بس الاشعة بقي فهمتني الحااجات اللي كنت عايزة افهمها
طبعا انا هوديها بكره وهيا هتحدد
بس انا فهمت اني خلاص هخلص التاسع يوم الخميس الجاي
لو ربنا أراااد ثانيا وزن البيبي بيزيد غصب عني ووصل ل 3900
يعني صعب جدا اولد طبيعي لاني بصراحه هكون ساعتها بنتحر
ولا انتوا ايه رايكوا يعني انا ممكن انتظر الطلق واصلا الرأس منزلتش الحوض
وساعتها اخد الطلق كله ومعرفش انزله بسبب حجمه
طبعا كل حاجه بايد ربنا بس انا بتكلم كلام واقعي مش كدا
وبعدين كدا تعب وكدا تعب انا كنت منهاره اني ممكن اولد قيصري
حاليا اعصابي استقرت شوية مكدبش عليكوا
خايفة اه ومرعوبة بس ارجع واقول كله محصل بعضه هنا خياطة وهنا خياطه
بس خياطه عن خياطه تفرق يعني لما اولد طبيعي وتفتحلي من قدام لورا
هتبقي صعبة جداااااااااااااااااا
لكن البطن معروف الفتحه ازاي والجراحه التجميليله ازاي
انا عارفه انا شاغلة دماغي اوووووووووووووووي وكاني اول مره اولد
بس انا متابعه معاكوا خطوه بخطوه
وربنا يقدم ما فيه الخير
اختكم خوخه
انا هروح بكره واقولكوا قالتلي ايه واللي فيه الخير يقدمه ربنا
تصبحوا علي خيررررررر
kinder_chocolate kinder_chocolate 449060_14.gif فتكات ست الكل Fatakat 449060 في حضن زوجي وقلب ابني – في بلاد الله الواسعة
سبحان الله و بحمده