يابنات انا جيبالكم انهاردة العلامات اللى حصلت معايا من قبل مااعرف انى حامل
والاحلام والعلامات والتجارب الدالة ع نوع الجنين من قبل ما اعرف نوع الجنين
اولا قبل مااعرف انى حامل
الاعراض :
كنت بحس بوجع ف ضهرى من تحت رهيب ونغز ف بطنى من تحت
وكنت بنام كتير – وكان بينزل عليا افرازات شفافة بيضا كتير
الاحلام :
كنت بحلم كتير اوى وكل يوم بحلم حلم جديد وقصة جديدة وغير المعتاد انا اصلا مابحلمش كتير
المهم كنت بحلم بانى بحب حد تانى غير جوزى وكنت بتجوز حد تانى وبلبس الفستان الابيض وكنت بنزل الاحلام دى هنا البنات بشرونى بانى هكون حامل وهبقى حامل فى ولد
المهم كنت بحلم كتير بردو ان البريوت نازلة عليا . وحلمت بان راجل جه خطبنى من جوزى
وبعد ماعرف انى حامل حلمت كذا مره انى بجيب ولد اسمة مالك . وكان دايما بحلم بسمك
وانى بشترى جذم . وكنت بحلم بحلق دهب دايما . وان جوزى جبلى خاتم دهب هدية
بالنسبة بقى للتجارب :
وانا ف الشهر التانى جربت تجربة الكرنب وطلع معايا النتيجة ولد
وجربت تجربة البكربوناته وبردو النتيجة طلعت ولد
وفى الشهر التالت جربت تجربة الخاتم ف السلسلة وطلعت النتيجة ولد
الجدول الصينى طلع بردو انه ولد
وعملت تجربة الكرنب تانى وانا فى الشهر الرابع طلعت بنوتة
شكلى بقى فى الحمل والوحم :
لا احلويت ولا اوحشيت زى ماانا بس وشى تخن شوية
بطنى بارزة من تحت بس ومن الجناب فاضية
اتوحمت على كل حاجة حادقة : حرنكش خوخ – مانجه
الترجيع كان خفيف بس القرف من كل حاجة ومستمر معايا القرف لغاية دلوقتى وانا فى الخامس اهو
المهم بقى انا فى بطنى اية : فعلا فى بطنى ولد وعرفت ف اول الرابع والدكتور كان شاكك من اواخر التالت
المهم هى ممكن التجارب والاعراض دى تظبط مع ناس وناس لا يعنى باختصار انا عايزة اقولكم متصدقوش كلام حد وخليها على ربنا انا بس حبيت اشاركم اللى حصل معايا من بداية حملى
وربنا يارب يرزق كل مشتاقة . وتريح بال كل المشتاقين يارب
Nehad Ahmed Nehad Ahmed 697250_39.gif فتكات رائعة Fatakat 697250 El-minya – El-minya