ازيكم يا حبايبى امبارح عملت عوزمه تستاهل بقكم
1- طاجن باميه ( بحط اللحمه مع البصل النى تستوى وبعدين بحط عصير الطماطم واسيبه يتسبك واحط عليه الباميه واحطهم فى صينيه بايركس واخلى اللحمه من فوق علشان تتحمر وتبقى حلوه )
2- فراخ با نيه ( بتبل الفراخ ببصله وملح وفلفل وملعه خل وزعتر وقرفه من بالليل واطلعهم قبل التحمير وبكون محضره البيض والبقسماط ( بس انا بطحن فايش عندى ) وبحط الفراخ فى البيض ثم البيض تانى ثم البقسماط علشان يطلع طرى ومش ناشف وشويه زيت قليلين على نار هاديه )
3- بطاطس محشيه باللحمه المفرومه ( بقشر البطاطس واقورها واحمرها نص تحميه وبكون محضره العصاج ( لحمه مفرومه بالبصل مستوي طبعا ) واحشيها واحطها فى صنييه واكون عامله عصير طماطم واكبه عليها واحطها فى الفرن جنب الباميه ..
4-محشى ورق عنب ( ونصيحه منى المسبك احسن فى الطعم من اللى نى فى نى )
5-صنيه رقاق ( اولا لما تيجى تسقى الرقاق يعنى تبليه قبل ما تحطيه فى الصنيه يااما بشربه او ميه سخنه وحطى فيها مرقه دجاج ومعلقتين سمنه وبحطه فى الفرن وبعد ما تحسى انه نشف شويه حطى الشوربه السخنه ودا علشان ميعجنش وحطى كمان معلقه سمته على الوش ورجعيه الفرن تانى تحت الشوايه علشان يتحمى لو لقيتى الوش نشف نقطى نقط شوريه على الوش هتلاقيه طرى تانى . كده تلات صوانى فى الفرن جنب بعض علشان متستهلكيش غاز كتير
6 – ملوخيه ( وهقولكم على طريقه سر لنجاح الملوخيه اهلى كلهم بيحلفوا بيها هنا فى اسكندريه وقنا اصل
لو ملوخيه ناشفه يبقى تحمر التومه يا دوب نص تحمره وتحطى عليها الشوربه وسيبها تستوى علشان متتعبش المعده وبعدين نرشى الملوخيه لغايه ما تحسى انها تقلت شويه وتقلبى فيها كويس بالراحه هلاقيها تعمل رغوه زى الخضرا يالظيط
ول ملوخيه حضرا يبقى التومه نايه تحطيى فى الشوربه وتسيبها تستوى وبعدين تحطى الملوخيه بس متخلهاش تفور ياما ومتغطهاش هتسقط منك
والاتنين عاوزين ملعقه سمنه قبل التقديم
7- رز مسلوق لان طعمه احلى
8 – بتنجان مخلل ( حمرت تومه وحطيت عصير طماطم وبعد ما تتسبك تحط شطه وملح وفلفل وخل وتحميرى البتنجان وتحطى عليه الخلطه وهو سخن على طول )
7- مخلل خيار ودا قبلها بيوم ( تسخنى الميه وتحطى الملح وفلفل اخضر واول ما تغلى حطى الخيار واقفلى الحله واطفى النار طبعا واول ما الميه تبرد حطى شويه خل ربع كوبايه وتحطيه فى برطمان حوالى كيلو خيار )
اللى تدخل تدعيلى
بخصوص الصور انا مشغله النت من usb مودم وضعيف جدا بالاضافه اللى انى الكى بورد انجليزى بس علشان كده بسقط حروف كتير مواضيع هذا القسم برعاية
شوقهموءه شوقهموءه 193514_1.gif فتكات متميزة Fatakat 193514 قنا – مصر