السلام عليكم ورحمة الله وبركاتة
كل سنة وأنتم طيبين يا أحلى فتوكات
دى تانى عزومة لى فى بيتى العزومة اللى فاتت كنت حامل فى الشهر السابع بس عملت اصناف يامة جدااا وكنت ناوية انزلكم الصور بس الكسل بقة
المهم المرة دى كانت حاجات خفيفة اووى لانى معايا بيبى مدوخنى 
وكمان بصراحة قولت رمضان وكدة محدش بياكل يامة
رغيت أنا يامة صح معلش
بصو الأصناف كانت مكرونة أقلام
-فراخ مشوية
-كفتة مشوية _سلطة خضراء_سلطة طحينة _بطاطس محمرة _تبولة
والعصاير كانو مشمش وكركدية وخروب
عزومة بسيطة جدا بس والله الأكل اتمسح والحمد لله مرمتش حاجة هما كانو خمس أفراد
وأنا عملت العصاير وتبلت الفراخ قبلها بيوم وعارفين كنت بحمر البطاطس وابنى على ايدى عندة شهرين ونص يعنى الحمد لله انها عدت
مواضيع هذا القسم برعاية
NOOR SEEN NOOR SEEN 596701_6.gif فتكات هايلة Fatakat 596701 الإسكندرية – مصر