ازيكم يا فتوكاتي
انا عروسه بقالي 4 شهور وهريت القسم ده من اللف والقعاد عليه طول الوقت
كل ما اسمع عن حاجه جديده اجي ادور واسال
وكل ما اشتري حاجه اتاكد انها كويسه من فتوكاتي وحتي قبل ما اشتريها
وانا دلوقت جايه ارد الجميل يعني تحت الخدمه
اي سؤال انا تحت امركم في حدود خبرتي طبعا
وحابه اقولقم كام نصيحه
1- لازم تاخدي بالك من مقاسات المفارش لان في مفارش اكتشفت ان مقاسها صغير يعني تبصي علي المقاس وانتي بتشتري خاصه لوكان المفرش في حدود 100 اما لو غالي اكيد هيكون مقاسه حلو (وده اللي حصل معايا)
2_ رول المفارش بتاع الدولاب والمطبح انا كنت محتاره جدا اجيب اتنين ولا واحد هيكفي بصي يا ستي الرول الواحد بس هيفرش لك الدولاب ودولاب الاطفال والجزامه وادراج السراحه والكومدينو بس مش هيفيض للمطبخ فهاتي كام متر زياده علي حسب حجم مطبخك اما لو معندكيش دولاب اطفال يبقي انشاء الله هيكفي
3_كل المتجوزين قالولي بلاش تكتري من القمصان والبرفانات ومكنتش مصدقه وبعد ما اتجوزت اقتنعت فعلا يعني حاولي تنوعي بين كاش مايوهات رقيقه علي قميص كله انوثه علي بجامه بنوتاتي كده يعني
4_بلاش تجيبي حاجات كتير في المطبخ ملهاش لازمه لانها هتكركب لك المطبخ وهتبقي عايزه تخلصي منها بالذات لو مطبخك صغير
5_اكتر حاجه نفعاني في المطبخ الهاند بلندر بصراحه مخليني مش بعبر الخلاط نهائي وخاصه ان حجمه صغير وسهل التنضيف لو معندكيش الامكانيه يبقي بلاش انا جايبه بتاعي الاصدار3 كان ب 350 بس جميل بصراحه
6-بلااااااااااااااش الاعداد الكتيره انتي مش داخله حرب يا فتوكه علشان تبقي شقتك هاديه وبسيطه مفيها كركبه وحاجات ملهاش لازمه كتير
7-ابعدي تماما عن بوتجاز يونيفيرسال كل الناس قالتلي كده بس نصيبي طله فيه يلا الحمد لله
8-واخيرا خلي يوم الفرح من اوله كده تفاؤل وفرح وخليكي مبسوطه علطول مهمها حصل من اول اليوم كده انا كان قبل الفرح باسبوع حصلت حاله وفاه عندنا والقاعه اتلغت وكل الناس لابسه اسود والفرح اتعمل في معاده بس من غير فرح يعني من الاستديو علي الشقه علطول والحمد لله من اول اليوم لاخره كنت مبسوطه وفرحانا وشي كان باين عليه الفرحه خالص
واي سؤال انا تحت امركم
سلام
love.esoo5 love.esoo5 742298_1.gif فتكات هايلة Fatakat 742298 البحيره – مصر