عرق الرومى الروستو ….
هو عبارة عن صدر الديك الرومى ملفوف ومربوط مثل عرق اللحمة الروستو(اللحمة الباردة)
بيتعمل بنفس الطريقة بالضبط…الطريقة :
قومى بعمل فتحات فى عرق الرومى بالسكين ووضع فصوص ثوم بها …
يتم تحمير العرق جيداً من جميع الجهات فى السمن او الزيت
يتم أضافة بصل وبطاطس وجزر وفلفل وطماطم وتحمريها مع اللحمة …..
يتم أضافة التوابل …فلفل ,بهارات , ورق لاورا
يتم أضافة ماء …وغطيها (لا يتم وضعها فى الفرن …حتنشف منك)
كل ما الماء ينقص ضيفى ماء ساخن لها
وضيفى الملح ..لغاية لما تستوى ويبقى فيها ماء قليل جداً …ويعمل صوص
انشليها من الصوص واتركيها تبرد شوية وبعدين لفيها بورق فويل وفى الثلاجة
تؤكل فى اليوم التالى..
يتم التقطيع بسكين حامى جداً إلى شرائح بسمك نصف سم …
حلوة وشيك فى العزومات ..والرحلات ..وممكن تأخديها معاكى المصيف …مريحة وسريعة وبترمى كمية كبيرة …
والصور خير دليل…
الصورة دى بعد ما طلع من الثلاجة …
يقدم مع سلاطة أو طرشى وبطاطس محمرة …مممممممممم
أو تقدم ساندوتشات مع الخيار والطماطم ..او المايونيز أو الكاتشب ..زى ما تحبى …
وبالهنا والشفا …..مع تحياتى مواضيع هذا القسم برعاية
دودو المعادى دودو المعادى 49506_5.gif برنسيسة فتكات Fatakat 49506 مدينة المعادى – مصر