السلام عليكم ورحمة الله وبركاته يافتوووكات بالله عليكم انا محتاجاكم ضرورى ابنى عنده 4 سنين ضروسه مسوسه وتعباه جدا وديته لدكتوره وبعد ماخد حقنة البنج صوت وعيط وبهدل الدنيا ويادوب بدات تنضف التسوس مرضيش يكمل وروحنا وضرسه مفتوح حتى مكنش عايز يحط الحشو المؤقت وحطيتهوله انا فى البيت بالعافيه واتعقد ياعينى ومن ساعتها كل مانروح لدكتور ونقوله اقعد او افتح علشان يشوف سنانك يصوت ويعيط لحد مايفضل يكح جامد وبيبهدل الدنيا لحد ماروحنا لدكتور يعنى خده بالمسايسه شويه لحد ماشاف وقال ضروسه التمانيه محتاجه حشو عصب وعلشان هو عصبى وبيعيط مش هاينفع غير ببنج كلى وحجز فى مستشفى .. وانا اتخضيت وبصراحه قلقلانه جدا ونفسى فى حل فقلت لو حد يعرف مركز تخصص اطفال يمكن يكون هما عندهم قدره للتعامل مع الاطفال احسن او اداوات ابسط للاطفال او اى وسائل ترفيهيه تحبب الاطفال فى العياده يبقى يااريت لانى كمان عايزه دكتور يأكدلى معلومة ان كللهم حشو عصب دى لانه بيشتكى من الناحيه اليمين ودى مش بياكل عليها خالص لكن الشمال بياكل عادى وكتيير بيشتكى من صادع
بالله عليكم فيدونى فى اى مركز والافضل يكون فى مدينة نصر او مصر الجديده وياريت لو حد مجربه يقولى الاسعار ايه؟؟؟؟
ربنا يبارك فيكم ويفرج اى كرب ليكم زى ماهتفرجو كربى وتريحونى ان شاء الله
ennooo ennooo فتكات متميزة Fatakat 198008 القاهره – مصر
سبحان الله و بحمده