السلام عليكم يا احلى صحبة واخوات
ايه خباركم يا رب تكونوا بخيييييييييييير يا رب
انا من يومين شفت اخت ليه كتبة موضوع عن الكوكاكولا والبيبسى وان هى مدمنة الحاجات دى وانا هقولها على الحل
انا بقولها ولكل واحده هنا والله والله انا كنت زيك واكتر شويه كنت بشرب فى اليومين لترين وحدى وكان جوزى بيزعق فيه ويقولى انا مش هجبلك تانى وده مش بخل منى بس خوف عليكى كنت والله اجيبه من وراه وكنت حاجة فظيعة اه والله
عايزه اقولكم انى انا الحمد لله ليه شهر مشربتش منها خاااااااااااالص ومش حاسه نفسى انى محتاجلها لدرجة انها والله كانت فى التلاجة ومش بشربها خااااااااااااااالص
عارفين انا اكتشفت ان احنا بنشرب الكولا والبيبسى علشان عايزين حاجة مسكره غير الميه
عارفين الحل ايه ؟؟؟
العصير !!!!!!!
ستنى بس كملى الموضوع
هاتى عصيىرجهينه بيور او بالسكر براحتك بس انا بشربه بيور وعزمت انى مش هشرب كولا ابدا وكنت كل ما احس انى عايزه اشرب حاجة مسكره اشرب عصير اه والله هو ده اللى حصل
عارفين النتيجة كانت ايه
خسيت فى الشهر 4 كيلو لانى للاسف تخنت 10 كيلو بس كمان وراها عملت دايت من نفسى بس والله اخف دايت واحلى نتيجة من غير دكتور وانا كده مبسوطه بالنتيجة الحمد لله
ادعولى ان ربنا يكرمنى بالذرية الصالحة يمكن واحده دعوتها تكون مستجابه
tamtam tmatm tamtam tmatm فتكات متميزة Fatakat 399899 egypt – egypt
سبحان الله و بحمده