البنت بتتولد بعدد معين من البويضات ﻻ يمكن زيادتهم باي حال من اﻻحوال على عكس الراجل عنده مصنع ﻻنتاج الحيوانات المنويه بشكل مستمر
طيب،،،، عايزة اطمن على مخزون المبيض بتاعي اعمل ايه،،،،،،
اول حاجة بتعملي تحليل اسمه fsh ثالث يوم الدورة
لوكان 4 او 5 فده رقم مثالي ،
من 6 الى 8 جيد ،
من 8 و9 مقبول ،
اكثر من 10 معناه وجود نقص بمخزون المبيض،
من 20 فما فوق معناة الوصول لسن الياس ،،،
يعني العلاقة ما بين fsh ومخزون المبيض علاقه عكسية كل ما يزيد fsh بيدل على ضعف المخزون
نيجي لنقطة مهمة جدا وهي سن البنت او السيده بيفرق بشكل كبير جدا في مسالة المخزون ، كل ما كان السن اصغر كل ما كان البويضات كما وجودة افضل ، وبعد سن 35 بيقل المخزون بشكل دراماتيكي، ولمعلوماتك
ان نقص المخزون في السن الصغير ممكن يتعالج بتحريض اباضة قوي على عكس السن الكبير اللي بيبقى الموضوع اصعب بكثير
نيجي بقى للاختبار الثاني للمخزون وهو ادق ويمكن عمله في اي يوم من ايام الدورة وهو تحليل amh
لو كان من 1 الى 5 فدة معناة ان المخزون كويس
لو اقل من 1 نقص بالمخزون
ولو اكثر من 5 معناه احتمال اﻻصابة بتكيس المبيضين
نيجي بقى لحساب antral follicles count اللي هو عدد الحويصلات اوالبويضات مجازا اللي بتظهر بالسونار 2 او 3 يوم الدورة واللي المفروض يكون مجموع البويضات اللي الدكتور بيشوفها من 8 او 10 او اكثر ولو اقل يبقى نقص بالمخزون ،
لو ﻻ قدر الله الدكتور عمل الفحوصات دي كلها وﻻحظ نقص في المخزون ،، فيه اختبار بيعمله اسمهcct او clomid challenge test ,,, وده ببساطة جدا بيقوم الدكتور بتحليل fsh ووقتها لو ﻻقاه مرتفع بيديكي منشط للتبويض كلوميد ويطلب منك اعادة التحليل في يوم تاني لو لاقاه انخفض ، فده معناه ان احتمال استجابتك لتحريض المبيض واخراج بويضات هيكون اكبر وفرص الحمل هتكون اكبر باذن الله باستخدام وسيلة مساعدة من وسائل الحمل،،،
نيجي بقى لاخر جزئية ،،، قد تكون مش طريقة بتحدد المخزون بشكل واضح ومباشر بس بتوحي للدكتور ان كان مخزونك كويس وﻻ لاء وهي ovary volume , حجم المبيض،، واللي من المفترض بيعرف الدكتور حجمة اثناء عمل السونار العادي او 3 الابعاد او حتى من خلال مشاهدته العينية المباشرة للمبيض في عملية منظار البطن ،،،وطبعا المبيض اللي بيحوي على عدد كويس من البويضات بيكون حجمه اكبر من المبيض اللي فيه عدد قليل من البويضات وبعد سن الياس حجم المبيض بتقلص وينكمش بشكل كبير جدااااااا
انا خلصت وبتمنى من كل واحدة قرت الموضوع تدعيلي دعوة صادقة وخالصة من القلب ان ربنا يرزقني بالولد الصالح عن قريب يارب ،
تعلقي بربي وحده تعلقي بربي وحده فتكات هايلة Fatakat 1096108 القاهرة – مصر